ماساڭ كۇيدە ۇستالعان يمام 7 جىلعا كولىك جۇرگىزۋ قۇقىعىنان ايرىلدى

استانا. KAZINFORM - قوستاناي وبلىسىنىڭ باس يمامى باحىتبەك تاجىمبەتتى ءتارتىپ ساقشىلارى بۋرابايداعى «رەگيون» تۇنگى كلۋبىنىڭ جانىندا «حايلاندر» كولىگىمەن كەتىپ بارا جاتقاندا قولعا تۇسىرگەن. اقمولا وبلىسىنىڭ سوتى يمامنىڭ ارەكەتىنە قاتىستى شەشىم شىعاردى.

«سوت قاۋلىسىمەن تاجىمبەت باحىتبەك نۇرعابىل ۇلى ق ر ا ق ب ت ك- ءنىڭ 608- بابىنىڭ 1 - بولىگىمەن كىنالى دەپ تانىلدى. وعان وسى باپ بويىنشا 15 تاۋلىككە قاماۋعا الۋ جانە 7 جىلعا كولىك قۇرالىن باسقارۋ قۇقىعىنان ايىرۋ جازاسى تاعايىندالدى»، - دەلىنگەن وبلىستىق سوتتىڭ باسپا ءسوز قىزمەتى تاراتقان اقپاراتتا.

سونداي-اق، ءوڭىر سوتى يمام جازاسىن بۋراباي اۋدانىندا وتەپ جاتقانىن حابارلادى.

ەسكە سالساق، 25-شىلدەدە بۋرابايدا ماساڭ كۇيدە كولىك جۇرگىزگەن قوستانايدىڭ باس يمامى ۇستالعانىن جازعان بولاتىنبىز. پوليتسيا ءوڭىردىڭ باس يمامىنا قاتىستى اكىمشىلىك حاتتاما تولتىرعان.

سول كۇنى قازاقستان مۇسىلماندارى ءدىني باسقارماسى ماس كۇيىندە ۇستالعان قوستاناي يمامىن جۇمىستان شىعارعانىن حابارلاپ، ەلدەن كەشىرىم سۇرادى.

ايتا كەتەيىك، 30-شىلدەدە بەكتۇرسىن ۋاليەۆ قوستاناي وبلىسىنىڭ باس يمامى بولىپ تاعايىندالدى.

اۆتور

داۋلەت ىزتىلەۋ