14:55, 30 - شىلدە 2024 | GMT +6
ماس كۇيىندە كولىك جۇرگىزگەندەردىڭ جازاسىن قايتا قاراۋ كەرەك - پرەمەر
استانا. KAZINFORM - پرەمەر-مينيستر ولجام بەكتەنوۆ ىشكى ىستەر مينيسترلىگىنە ماس كۇيىندە كولىك جۇرگىزگەندەردىڭ جازاسىن قايتا قاراۋدى تاپسىردى.
«جىل باسىنان بەرى 6 ميلليونعا جۋىق جول ەرەجەسىن بۇزۋدىڭ جولى كەسىلدى. 12 مىڭنان استام ماس جۇرگىزۋشى ۇستالدى. تاجىريبە كورسەتكەندەي، مۇنداي ءتارتىپ بۇزاتىندارعا وتە قاتاڭ شارالار قولدانىلۋى قاجەت»، - دەدى ول.
ۇكىمەت باسشىسى ۇكىمەتتىڭ بۇل ماسەلەدەگى باستى مىندەتى ادام ءومىرىن ساقتاۋ ەكەنىن ەسكە سالدى.
«سوندىقتان وسىنداي قۇقىق بۇزۋشىلىقتاردىڭ الدىن الۋ تاسىلدەرىن قايتادان قاراۋ قاجەت دەپ سانايمىن. ءبىزدىڭ باستى مىندەتىمىز - جول قوزعالىسى قاۋىپسىزدىگىن قامتاماسىز ەتۋ، اۆاريالار مەن ءولىم-ءجىتىمدى ازايتۋ. ول ءۇشىن جۇيەلى ءىس- شارالاردى ازىرلەۋ كەرەك»، - دەدى ولجاس بەكتەنوۆ.
اۆتور
ەسىمجان ناقتىباي
