ماماندىق تاڭداۋعا كومەك: جاڭا پلاتفورمالار ىسكە قوسىلدى

استانا. KAZINFORM - ەندى مەكتەپ وقۋشىلارى مەن كوللەدج ستۋدەنتتەرى ماماندىق تاڭداپ، جۇمىس تابۋدى ەرتەرەك ۇيرەنە باستايدى. بۇل ءۇشىن بىرنەشە سيفرلىق پلاتفورما ىسكە قوسىلىپ جاتىر. نەگىزگى ماقسات - جاستاردى ەڭبەك نارىعىنا الدىن الا دايىنداۋ. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگى حابارلادى.

- «مانساپ كومپاسى» پلاتفورماسىندا جىل سايىن 100 مىڭ ءبىلىم الۋشىنى قامتۋ جوسپارلانعان. وندا جالپى ءبىلىم بەرەتىن مەكتەپتەردىڭ 7- 11-سىنىپ وقۋشىلارىن كاسىبي دياگنوستيكالاۋ بويىنشا جاڭا فۋنكسيا ازىرلەندى. پلاتفورما ستۋدەنتتەرگە كاسىپتەر مەن وزەكتى جۇمىس ورىندارى تۋرالى اقپارات بەرىپ قانا قويماي، سونداي-اق كاسىپتىك دياگنوستيكا جۇرگىزۋگە، مانساپتىق كەڭەس الۋعا جانە جۇمىس بەرۋشىلەرمەن ءوزارا ءىس-قيمىل جاساۋعا مۇمكىندىك بەرەدى. بۇل ماماندىقتى ءتيىمدى تاڭداۋعا جانە تۇلەكتەردى جۇمىسقا ورنالاستىرۋعا ىقپال ەتەدى، - دەيدى مينيسترلىك وكىلدەرى.

ودان بولەك، 500 مىڭ وقۋشى مەن تەحنيكالىق جانە كاسىپتىك ءبىلىم ۇيىمدارىنىڭ ستۋدەنتتەرى ءۇشىن «ەلەكتروندىق ەڭبەك بيرجاسى» ءبىرىڭعاي سيفرلىق پلاتفورماسى ىسكە قوسىلدى.

- «ەلەكتروندىق ەڭبەك بيرجاسى» ءبىرىڭعاي سيفرلىق پلاتفورماسىن قولدانا وتىرىپ، مانساپ ورتالىقتارى ارقىلى جۇمىس ىزدەۋگە جانە جۇمىسقا ورنالاستىرۋعا وقىتۋدى ۇيىمداستىرۋ جوسپارلانۋدا. بۇل ولارعا ءوز رەزيۋمەلەرىن جىبەرۋگە، ونلاين رەجيمدە سۇحباتتاسۋدان وتۋگە، ەڭبەك شارتتارىن جاساپ ۇيرەنۋگە مۇمكىندىك بەرەدى، - دەيدى ق ر ەڭبەك جانە حالىقتى الەۋمەتتىك قورعاۋ مينيسترلىگى.

جاۋاپتى مينيسترلىك جاستاردى جۇمىس ىزدەۋگە ۇيرەتۋ شارالارىنا دەن قويىپ وتىر.

- ىسكە اسىرىلىپ جاتقان جانە ىسكە اسىرۋعا جوسپارلانعان ءىس-شارالار ەڭبەك نارىعىنىڭ زاماناۋي تالاپتارىنا جاۋاپ بەرەتىن كادرلار دايارلاۋدىڭ ءتيىمدى جۇيەسىن قۇرۋعا مۇمكىندىك بەرەدى. بۇل ءىس-شارا بويىنشا جۇمىس باستالدى جانە ول نەگىزگى 3 كەزەڭنەن تۇرادى:

وقۋشىلار مەن ت ج ك ب ستۋدەنتتەرى ءۇشىن جۇمىس ىزدەۋ جانە جۇمىسقا ورنالاسۋ بويىنشا ەلەكتروندىق ەڭبەك بيرجاسىنىڭ مۇمكىندىكتەرى تۋرالى وقىتۋ ماتەريالدارىن (بەينەساباقتار، پرەزەنتاتسيالار، دارىستەر جانە ت. ب.) ازىرلەۋ؛

وقۋ ماتەريالدارىن Skills.enbek.kz پلاتفورماسىنا ورنالاستىرۋ؛

وقۋشىلار مەن ت ج ك ب ستۋدەنتتەرىن Skills.enbek.kz پلاتفورماسىندا جۇمىس ىزدەۋ جانە جۇمىسقا ورنالاستىرۋ داعدىلارىنا وقىتۋ، - دەلىنگەن مينيسترلىكتىڭ جاۋابىندا.

ايتا كەتەيىك، وقۋشىلار مەن ستۋدەنتتەر Skills.enbek.kz پلاتفورماسىندا جۇمىس ىزدەۋدى، رەزيۋمە تولتىرۋدى، ونلاين سۇحباتتاسۋعا قاتىسۋدى، ەڭبەك شارتىن جاساۋدى ۇيرەنەدى.

ەستەرىڭىزدە بولسا، بۇعان دەيىن استانادا رەسپۋبليكالىق «جۇمىسشى ماماندىقتار قالاسى» فەستيۆالى وتكەنىن حابارلاعان ەدىك.