مامان قان قىسىمىن ءدارىسىز تومەندەتۋدىڭ بەس ءادىسىن اتادى

استانا. قازاقپارات - كارديولوگ تاماز گاگلوشۆيلي ءوزىنىڭ گيپەرتونيا جانە اتەروسكلەروز تۋرالى كىتابىندا قان قىسىمىن ءدارىسىز تومەندەتۋدىڭ بەس ءتيىمدى ءادىسى تۋرالى باياندادى.

بۇل تۋرالى Stan.kz اقپارات اگەنتتىگى حابارلايدى.

ونىڭ ايتۋىنشا، قان قىسىمىن تومەندەتۋدىڭ ءبىر جولى - سالماق ازايتۋ.

دەنە سالماعىن 10 كيلوگراممعا تومەندەتۋ قان قىسىمىن 5-20 ميلليمەترگە تومەندەتەدى. بۇل گيپەرتونيانى تولىعىمەن جويماۋى مۇمكىن، ءبىراق ءدارى-دارمەككە دەگەن قاجەتتىلىكتى ازايتادى جانە جۇرەك-قان تامىرلارىن جاقسارتادى.

ەكىنشى نۇسقا فيزيكالىق بەلسەندىلىكتى ارتتىرۋ دەپ سانايدى. كۇنىنە 45 مينۋت جاتتىعۋ قان قىسىمىن 4-10 ميلليمەترگە تومەندەتەدى.

تاعى ءبىر ءادىس رەتىندە تۇزدى ازايتۋعا كەڭەس بەرەدى. تۇزدى ازىراق تۇتىنۋ قان قىسىمىن 10 ميلليمەترگە دەيىن تومەندەتۋگە كومەكتەسەدى.

«دەگەنمەن تۇزدىڭ %10- ى كادىمگى تۇز بولۋى مۇمكىن. قالعان %90 دايىن تاعامداردا - شۇجىق، دەسەرت، كونديتەرلىك ونىمدەر، نان، پيتستسا، فاستفۋد، وڭدەلگەن تاعامدار، تاڭعى اس، ىرىمشىك، چيپسى، سوۋستاردا جاسىرىن تۇردە كەزدەسەدى»، - دەدى مامان.

ول اس تۇزىن تۇتىنۋدى تاۋلىگىنە 5 گرامعا دەيىن شەكتەۋگە شاقىردى. تاماقتى تۇزسىز ءپىسىرىپ، پىسكەن سوڭ قوسقان دۇرىس.

تاعى ءبىر ءتيىمدى ءادىس رەتىندە كوپ مولشەردە كوكونىستەر مەن جەمىستەردى، سونداي-اق از مولشەردە جاڭعاقتاردى كۇنىنە شامامەن 30-40 گرامعا دەيىن جەۋ ابزال. تاماقتانۋدىڭ بۇل ءتۇرى قان قىسىمىن 8-15 ميلليمەتر تومەندەتە الادى.

دارىگەر تەمەكىنى تاستاۋدى جانە الكوگولدى تۇتىنۋدى شەكتەۋدى ەشقاشان نازاردان تىس قالدىرۋعا بولمايتىن وتە ماڭىزدى ءسات دەپ اتادى.