ماۋلەن اشىمبايەۆ «قارمەتتىڭ» جاڭا باسشىلىعىنا قاتىستى پىكىر ءبىلدىردى

پارلامەنت سەناتىنىڭ ءتوراعاسى ماۋلەن اشىمبايەۆ «قارمەتتىڭ» جاڭا يەسىنە قاتىستى ءوز پىكىرىن ءبىلدىردى، دەپ حابارلايدى Kazinform.

«بارلىق اتقارىلاتىن ءىس-شارالار ۇكىمەتتىڭ تىكەلەي باقىلاۋىندا بولادى. مەملەكەت باسشىسى ءتيىستى تاپسىرمانى جۇكتەدى. سول سەبەپتى دەپۋتاتتار دا وسى ماسەلەنى باقىلاۋدا ۇستاپ، ۇنەمى كاسىپورىنعا بارىپ، ونداعى جاعدايعا مونيتورينگ جاسايمىز. ينۆەستور وزىنە العان بارلىق مىندەتتەمەنى تولىقتاي ورىندايدى دەپ سەنەمىز»، - دەدى م. اشىمبايەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

وسى ورايدا سەنات ءتوراعاسى كاسىپورىنعا قوماقتى ينۆەستيسيا سالىناتىنىن ايتتى.

«بۇل ماسەلەنىڭ بارلىعى باقىلاۋدا بولادى. كاسىپورىن باسشىلىعى ءوندىرىستى ارى قاراي دامىتىپ، العا قويىلعان مىندەتتى ورىنداپ، جۇمىس ورىندارىن ساقتاپ، تابىستى ەڭبەك ەتەدى دەپ سەنەمىز»، - دەدى ماۋلەن اشىمبايەۆ.

ەسكە سالساق، جاقىندا مەملەكەت باسشىسى قاسىم-جومارت توقايەۆ «قارمەتتىڭ» جاڭا يەسىنە قاتاڭ تالاپ قويىلاتىنىن ايتتى.

«جاقىندا مەنىڭ تاپسىرماممەن قاراعاندى مەتاللۋرگيالىق كومبيناتىن قازاقستاندىق كومپانيانىڭ مەنشىگىنە بەرۋ ماسەلەسى ءساتتى شەشىلدى. جۇمىستىڭ باستاپقى كەزەڭىندە كومپانياعا كومەكتەسۋ - ۇكىمەتتىڭ ەندىگى مىندەتى. سودان كەيىن كاسىپورىننىڭ جاڭا يەسىنە قاتاڭ تالاپ قويىلادى»، - دەدى پرەزيدەنت.