ماكرون 15 جاستان كىشى بالالارعا الەۋمەتتىك جەلىلەردى پايدالانۋعا تىيىم سالاتىنىن مالىمدەدى
استانا. KAZINFORM - فرانسيا پرەزيدەنتى ەممانيۋەل ماكرون سەيسەنبى كۇنى كەشكە فرانسيادا «تاياۋ ايلاردا» 15 جاسقا دەيىنگى بالالارعا الەۋمەتتىك جەلىلەرگە تىيىم سالاتىنىن ايتتى، دەپ حابارلايدى Kazinform ءتىلشىسى.
فرانسيا باسشىسى ەۋرووداق بۇل ماسەلە بويىنشا بەلگىلى جەتىستىككە قول جەتكىزبەسە، وسىنداي شەشىم قابىلدايتىنىن ايتتى.
ەۋروپالىق ب ا ق فرانسيا مەن يسپانيانىڭ قولداۋىمەن گرەكيا ە و- نى جاسوسپىرىمدەردىڭ ينتەرنەتتە وتكىزەتىن ۋاقىتىن ايتارلىقتاي شەكتەۋگە شاقىرۋ ءۇشىن كۇش سالىپ جاتقانىن جازادى.
الايدا، سەيسەنبى كۇنى تاڭەرتەڭ ورتا مەكتەپتەگى مۇعالىم كومەكشىسىنىڭ ولىمىنەن كەيىن فرانسۋز جۇرتشىلىعى الدىندا ءسوز سويلەگەن ەممانيۋەل ماكرون تەزىرەك ارەكەت ەتكىسى كەلەدى.
-ءبىز كۇتە المايمىز، - دەدى ماكرون نوجانداعى (جوعارعى مارن دەپارتامەنتى) اتىشۋلى كىسى ولىمىنەن كەيىن France 2 تەلەارناسىنا بەرگەن سۇحباتىندا.
ول سونداي-اق فرانسيا جاقىن ارادا پورنوگرافيالىق سايتتارعا قارسى قابىلدانعان شارالارعا ۇقساس ونلاين پىشاق ساتاتىن ۆەب-سايتتاردا جاس مولشەرىن تەكسەرۋدى ەنگىزەتىنىن حابارلادى.
- 15 جاستاعى جەتكىنشەك بۇدان بىلاي ونلاين پىشاق ساتىپ الا المايدى. بۇعان ءبىز جاپپاي قارجىلىق سانكسيالار مەن تىيىم ەنگىزەمىز، - دەپ ۋادە بەردى ول.
بۇعان دەيىن پرەمەر-مينيستر فرانسۋا بايرۋ كامەلەتكە تولماعاندارعا پىشاق ساتۋعا تىيىم سالۋ ءۇشىن تەز ارەكەت ەتكىسى كەلەتىنىن ايتتى.
- مەن 15 جاسقا تولماعان بالالاردىڭ الەۋمەتتىك جەلىلەرگە قولجەتىمدىلىگىنە تىيىم سالامىن. پلاتفورمالاردا جاستى تەكسەرۋ مۇمكىندىكتەرى بار، - دەپ جازدى ماكرون.
فرانسۋز بيلىگى كەيبىر الەۋمەتتىك جەلىلەردى، سونىڭ ىشىندە X ،Reddit ،Bluesky جانە Mastodon سايتتارىن پورنوگرافيالىق سايتتار رەتىندە جىكتەۋ ارقىلى جاس مولشەرىن تەكسەرۋدى ەنگىزۋگە ماجبۇرلەپ جاتىر.
پورنو سايتتاردى قولدانۋشىلاردىڭ جاسىن تەكسەرۋدى تالاپ ەتەتىن شارالار 7- ماۋسىمدا كۇشىنە ەنىپ، فرانسياداعى الەمدەگى ەڭ ۇلكەن Pornhub پورنو سايتىنىڭ جابىلۋىنا اكەلدى.
اۆتور
ەركەجان سماعۇلوۆا
