ەلىمىزدە تاعى 6 جاس عالىم پاتەر سەرتيفيكاتتارىنا يە بولدى
استانا. KAZINFROM - بۇگىن وتان قورعاۋشىلار كۇنى قارساڭىندا ق ر عىلىم جانە جوعارى ءبىلىم ءمينيسترى ساياسات نۇربەك مەملەكەت باسشىسىنىڭ تاپسىرماسى بويىنشا 6 جاس عالىمعا پاتەر سەرتيفيكاتتارىن سالتاناتتى تۇردە تابىستادى.
پرەزيدەنتتىڭ 2024-جىلعى 31-مامىردا عىلىم ورداسىندا جاس عالىمدارمەن كەزدەسۋىندە بەرگەن تاپسىرماسىن ورىنداۋ ماقساتىندا عالىمداردىڭ الەۋمەتتىك مارتەبەسىن كوتەرۋ جانە قولداۋ كورسەتۋ، سونداي-اق عىلىمعا جاس كادرلاردىڭ كەلۋىن ىنتالاندىرۋ ءۇشىن عىلىمي ۇيىمدار مەن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ جاس عالىمدارى ءۇشىن پاتەرلەردى ءبولۋ جونىندەگى كوميسسيا استانا جانە الماتى قالالارىندا باسپانا بەرۋ ءۇشىن جاس عالىمداردىڭ ءتىزىمىن جۇيەلى تۇردە انىقتايدى.
ق ر عىلىم جانە جوعارى ءبىلىم مينيسترلىگى بۇل جۇمىستى كەزەڭ-كەزەڭىمەن جۇرگىزەتىن بولادى. جاس عالىمدار سانىنىڭ ارتۋى عىلىمي جانە عىلىمي-تەحنيكالىق قىزمەتتىڭ دامۋىنا وڭ اسەر ەتەدى.
سونىمەن قاتار 2023-جىلعى 19-قازاندا ق ر عىلىم جانە جوعارى ءبىلىم مينيسترلىگى مەن «وتباسى بانك» ا ق اراسىندا جاس عالىمدارعا 2023-2027-جىلدارعا ارنالعان جەڭىلدەتىلگەن نەسيە بەرۋ باعدارلاماسى بويىنشا ىنتىماقتاستىق تۋرالى كەلىسىمگە قول قويدى.
وسىعان دەيىن پرەزيدەنت اگرارلىق سالا عالىمدارىن ماراپاتتاپ، باسپانا كىلتىن تابىستاعانىن جازدىق.
