ەلىمىزدە قۇرىلتاي سايلاۋىندا داۋىس بەرۋ اياقتالدى

ەلىمىزدىڭ بارلىق وڭىرىندە قۇرىلتاي دەپۋتاتتارىن سايلاۋ 07:00 دە باستالدى. داۋىس بەرۋ 10423 سايلاۋ ۋچاسكەسىندە ءوتتى.

استانا ۋاقىتىمەن 03:00 وڭتۇستىك كورەيا استاناسى سەۋل مەن جاپونيا استاناسى توكيودا (جەرگىلىكتى ۋاقىت بويىنشا ساعات 07:00 دە) سايلاۋ ۋچاسكەلەرى اشىلدى. سەۋلدەگى سايلاۋ ۋچاسكەسىندە العاشقىلاردىڭ ءبىرى بولىپ كورەيا ۋنيۆەرسيتەتىنىڭ ستۋدەنتى اجار كارىمجانوۆا ءوز تاڭداۋىن جاسادى.

ەسكە سالساق، بيىل 1-شىلدەدە مەملەكەت باسشىسى «قازاقستان رەسپۋبليكاسى قۇرىلتايىنىڭ سايلاۋىن تاعايىنداۋ تۋرالى» جارلىققا قول قويدى.

ق ر ورتالىق سايلاۋ كوميسسياسى قۇرىلتاي سايلاۋىنا قاتىساتىن «ادىلەت»، ج س د پ، «بايتاق»، ق ح پ، «اۋىل» پارتياسى، «اق جول» جانە Respublica پارتياسىنىڭ تىزىمدەرىن تىركەدى. 145 دەپۋتاتتىق مانداتقا 545 كانديدات ۇمىتكەر بولىپ وتىر.