ۇلىتاۋ وبلىسىندا سوتتالعانداردى ازاپتاعان تۇرمە قىزمەتكەرلەرىنىڭ ۇستىنەن ءىس قوزعالدى

тюрьма
Фото: pixabay.com

جەزقازعان. KAZINFORM - ۇلىتاۋ وبلىسى پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى ق ر ءى ءى م قىلمىستىق-اتقارۋ جۇيەسى كوميتەتىنىڭ قاراعاندى جانە ۇلىتاۋ وبلىسى بويىنشا №62 مەكەمە مەن ق ر ۇلتتىق ۇلان №6505 اسكەري ءبولىمىنىڭ قىزمەتكەرلەرىنە قاتىستى ازاپتاۋ فاكتىسى بويىنشا سوتقا دەيىنگى تەرگەۋ اياقتالدى. بۇل تۋرالى ق ر باس پروكۋراتۋراسى مالىمدەدى.

«مەكەمەنىڭ 7 جانە اسكەري ءبولىمنىڭ 4، جالپى 11 قىزمەتكەرى № 62 مەكەمەسىندە جازاسىن وتەپ جاتقان 11 سوتتالعاندى كەمسىتۋ، وزگە دە سوتتالعانداردى قورقىتۋ ماقساتىندا كۇش قولدانۋ ارقىلى ولاردى ازاپتاعاندىعى انىقتالدى» - دەلىنگەن حابارلامادا.

لاۋازىمدى تۇلعالار جاساعان قىلمىستىق قۇقىق بۇزۋشىلىقتارىن جاسىرۋ ماقساتىندا سوتتالعانداردى مەكەمە جانە اسكەري ءبولىم قىزمەتكەرلەرىنە باعىنباۋشىلىق جاساعاندىعى تۋرالى جوعارى تۇرعان باسشىلارىنا بايانداعان.

«تەرگەۋ بارىسىندا كۇدىكتىلەرگە بۇلتارتپاۋ شارالارى قولدانىلىپ، تەرگەۋ سوتىمەن ولار لاۋازىمدارىنان ۋاقىتشا شەتتەتىلدى. 26- ناۋرىز كۇنى قىلمىستىق ءىس سوتقا جولداندى. ق ر كونستيتۋتسيانىڭ 77-بابىنىڭ 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكستىڭ 19-بابىنىڭ 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى» - دەپ حابارلادى پروكۋراتۋرا.

اۆتور

باقىتگۇل اباي قىزى

سوڭعى جاڭالىقتار