ەلىمىزدەگى حالىق ەڭ كوپ قونىستانعان تۇركىستان وبلىسىنىڭ ستاتيستيكالىق دەرەكتەرى

تۇركىستان. KAZINFORM - تۇركىستان وبلىسى - ەل تاۋەلسىزدىگىن العان جىلدارى قۇرىلعان جاڭا وبلىستىڭ ءبىرى. قازاقستاننىڭ وڭتۇستىگىندە ورنالاسقان. 2018-جىلى اكىمشىلىك ورتالىعى شىمكەنتتەن تۇركىستانعا اۋىستىرىلدى.

شىمكەنت رەسپۋبليكالىق ماڭىزى بار قالا مارتەبەسىن الىپ، وڭتۇستىك قازاقستان وبلىسىنىڭ قۇرامىنان الىندى. ال، جاڭا وبلىسقا تۇركىستان اتاۋى بەرىلدى. بۇگىندە تۇرعىندار سانى 2 ميلليوننان اسادى. سولتۇستىگىندە ۇلىتاۋ، شىعىسىندا جامبىل، باتىسىندا قىزىلوردا وبلىستارىمەن، وڭتۇستىگىندە وزبەكستان رەسپۋبليكاسىمەن شەكتەسەدى. وبلىس قۇرامىندا 14 اكىمشىلىك اۋدان، 4 قالالىق اكىمدىك، 7 قالا، 13 كەنت، 171 اۋىلدىق وكرۋگ، 932 اۋىل بار.

حالىق سانى جانە كوشى-قونى

2024-جىلعى 1-تامىزداعى دەرەك بويىنشا، وبلىس حالقىنىڭ سانى - 2151,9 مىڭ، سونىڭ ىشىندە قالالىقتار - 538,2 مىڭ (25 پايىز)، اۋىلدىقتار - 1613,7 مىڭ (75 پايىز).

حالىقتىڭ تابيعي ءوسىمى 2024-جىلعى قاڭتار-شىلدەدە 25377 ادامعا ۇلعايدى. وسى مەرزىم ارالىعىندا 31302 ءسابي دۇنيەگە كەلسە، 5925 ادام قايتىس بولدى.

تەرىس كوشى-قوننىڭ ايىرماسى قالىپتاستى - 15625 ادام، ونىڭ ىشىندە سىرتقى كوشى-قوندا - 304 ادام وڭ كوشى-قون ايىرماسى، ىشكى كوشى-قوندا تەرىس كوشى-قوننىڭ ايىرماسى - 15929 بولدى.

ەڭبەك جانە تابىس

2024-جىلعى 2-توقساندا وڭىردە جۇمىسسىزدار سانى 40,7 مىڭ ادام بولدى. جۇمىسسىزدىق دەڭگەيى جۇمىس كۇشىنە قاراعاندا - 4,8 پايىز.

2024-جىلعى 1-قىركۇيەككە جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 34847 ادامعا جەتتى نەمەسە جۇمىس كۇشىنىڭ سانىنا 4,1 پايىز بولىپ قالىپتاستى. 3-توقساندا قىزمەتكەرلەرگە ەسەپتەلگەن (كاسىپكەرلىك قىزمەتپەن اينالىساتىن، شاعىن كاسىپورىندارسىز) ورتاشا ايلىق اتاۋلى جالاقى 324470 تەڭگە بولدى، ءوسىم - 2023-جىلعى 2-توقسانعا قاراعاندا 8,5 پايىز. ال، ناقتى جالاقى يندەكسى 101,7 پايىز بولىپ قالىپتاستى.

2024-جىلعى I توقساندا وبلىس حالقىنىڭ ورتاشا جان باسىنا شاققانداعى اتاۋلى اقشالاي تابىسى باعالاۋ بويىنشا - 109628 تەڭگە. 2023-جىلعى I توقسانعا قاراعاندا 18,4 پايىز جوعارى، اتالعان كەزەڭگە ناقتى اقشالاي تابىستىڭ ءوسۋ قارقىنى - 8,8 پايىز بولدى.

سالالىق ستاتيستيكا

2024-جىلعى قاڭتار-تامىز ايلارىندا ونەركاسىپ ءوندىرىسىنىڭ كولەمى قولدانىستاعى باعامەن 749351,5 ميلليون تەڭگە بولدى، بۇل - 2023-جىلعى قاڭتار-تامىزبەن سالىستىرعاندا 7 پايىزعا كوپ.

تاۋ-كەن ءوندىرۋ ونەركاسىبىندە ءوندىرىس كولەمى 3,1 پايىز، وڭدەۋ ونەركاسىبىندە - 11,4 پايىز بولدى، ەلەكتر ەنەرگياسىمەن، گازبەن، بۋمەن، ىستىق سۋمەن جانە كونديتسيونەرلەنگەن اۋامەن جابدىقتاۋدا - 15,2 پايىزعا ءوستى. سۋمەن جابدىقتاۋدا، قالدىقتاردى جيناۋدا، وڭدەۋدە جانە جويۋدا، لاستانۋدى جويۋ جونىندەگى قىزمەتتە 10,6 پايىزعا كەمىدى.

2024-جىلعى قاڭتار-تامىزدا اۋىل شارۋاشىلىعى ونىمدەرىنىڭ (قىزمەتتەرىنىڭ) جالپى شىعارىلىمى 438558,8 ميلليون تەڭگە نەمەسە 2023-جىلعى قاڭتار-تامىزبەن سالىستىرعاندا 106,8 پايىز بولدى.

2024-جىلعى قاڭتار-تامىزدا جۇك اينالىمىنىڭ كولەمى 15901,7 ميلليون م3 جەتتى نەمەسە 2023-جىلدىڭ قاڭتار-تامىزىمەن سالىستىرعاندا 95,9 پايىز بولدى.

جولاۋشى اينالىمى 903,8 ميلليون جولاۋشى-ك م نەمەسە 2023-جىلدىڭ قاڭتار-تامىزىمەن سالىستىرعاندا 81,6 پايىز بولدى.

قۇرىلىس جۇمىستارىنىڭ (قىزمەتتەرىنىڭ) كولەمى - 245127,9 ميلليون تەڭگە نەمەسە 2023-جىلعى قاڭتار-تامىزبەن سالىستىرعاندا 128,6 پايىز.

2024-جىلعى قاڭتار-تامىزدا پايدالانۋعا بەرىلگەن تۇرعىن ۇيلەردىڭ جالپى الاڭى 11,2 پايىز ءوسىپ، 584,5 مىڭ شارشى مەتر بولدى. ولاردان جەكە تۇرعىن ۇيلەر - 18,4 پايىز (478,3 مىڭ شارشى مەتر)، ال كوپپاتەرلى تۇرعىن ۇيلەر 15 پايىزعا كەمىدى (103,1 مىڭ شارشى مەتر). بۇدان بولەك، جالپى الاڭى 3,1 مىڭ شارشى مەتر جاتاقحانا پايدالانۋعا بەرىلدى.

2024-جىلعى قاڭتار-تامىزدا نەگىزگى كاپيتالعا سالىنعان ينۆەستيتسيالار كولەمى 596248 ميلليون تەڭگە نەمەسە 2023-جىلدىڭ قاڭتار-تامىزىمەن سالىستىرعاندا 125,6 پايىز بولدى.

تىركەلگەن زاڭدى تۇلعالار سانى - 2024-جىلعى 1-قىركۇيەكتەگى جاعداي بويىنشا 18542، وتكەن جىلعى سايكەس كەزەڭدەگىمەن سالىستىرعاندا 5 پايىزعا ءوستى. ونىڭ ىشىندە 250 ادامنان جوعارى قىزمەتكەرلەرى بارلار - 106. جۇمىس ىستەپ تۇرعان زاڭدى تۇلعالار سانى - 16785. ونىڭ ىشىندە شاعىن كاسىپورىندار سانى - 16146. وبلىستا تىركەلگەن شاعىن جانە ورتا كاسىپكەرلىك كاسىپورىندار (زاڭدى تۇلعالار) سانى – 14716، وتكەن جىلعى سايكەس كەزەڭمەن سالىستىرعاندا 5,4 پايىزعا ءوستى.

ەكونوميكا

2024-جىلعى قاڭتار-ناۋرىزداعى جالپى وڭىرلىك ءونىم كولەمى قولدانىستاعى باعامەن 927563,6 ميلليون تەڭگە بولدى. 2023-جىلعى قاڭتار-ناۋرىزبەن سالىستىرعاندا ناقتى ج ءو ءو 3,7 پايىزعا ءوستى. ج ءو ءو قۇرىلىمىندا تاۋارلاردى ءوندىرۋ ۇلەسى - 34,7 پايىز، قىزمەتتەر كورسەتۋ - 58,7 پايىز.

تۇتىنۋ باعا يندەكسى 2024-جىلدىڭ تامىزىندا 2023-جىلعى جەلتوقسانمەن سالىستىرعاندا 104,2 پايىز بولدى.

ازىق-تۇلىك تاۋارلارىنىڭ باعاسى 0,1 پايىز، ازىق-تۇلىك ەمەس تاۋارلاردىڭ باعاسى - 9,4 پايىز، حالىققا كورسەتىلەتىن اقىلى قىزمەتتەردىڭ ۇلەسى - 6,2 پايىزعا ءوستى.

2023-جىلدىڭ جەلتوقسانىمەن سالىستىرعاندا 2024-جىلدىڭ تامىزىندا ءوندىرۋشى كاسىپورىنداردىڭ ونەركاسىپ ونىمدەرىنىڭ باعالارى 1,6 پايىزعا قىمباتتادى.

2024-جىلعى قاڭتار-تامىزدا بولشەك ساۋدا كولەمى 205758 ميلليون تەڭگە بولدى نەمەسە 2023-جىلدىڭ سايكەس كەزەڭىمەن سالىستىرعاندا 6,1 پايىزعا ارتتى.

2024-جىلعى قاڭتار-تامىزدا كوتەرمە ساۋدا كولەمى 101244,3 ميلليون تەڭگە نەمەسە 2023-جىلدىڭ سايكەس كەزەڭىمەن سالىستىرعاندا 127,3 پايىز بولدى.

الدىن الا دەرەكتەر بويىنشا 2024-جىلعى قاڭتار-شىلدەدە ە ا ە و ەلدەرىمەن ءوزارا ساۋدا 599,5 ميلليون ا ق ش دوللارى كولەمىندە بولىپ، 2023-جىلعى قاڭتار-شىلدەمەن سالىستىرعاندا 53,2 پايىزعا كوبەيدى، ونىڭ ىشىندە ەكسپورت - 495,8 ميلليون ا ق ش دوللارى (55 پايىز كوبەيدى)، يمپورت - 103,7 ميلليون ا ق ش دوللارى (45,2 پايىز كوبەيدى).