ەلىمىزدىڭ 14 وڭىرىندە اۋا رايىنا بايلانىستى ەسكەرتۋ جاريالاندى
استانا. KAZINFORM - «قازگيدرومەت» ر م ك ەلىمىزدىڭ بارلىق وڭىرىندە اۋا رايىنا بايلانىستى ەسكەرتۋ جاريالادى.
1-قىركۇيەكتە اباي وبلىسىنىڭ ورتالىعىندا قاتتى جاڭبىر جاۋادى. وبلىستىڭ كوپ بولىگىندە كۇن كۇركىرەپ، جاڭبىر ارالاس بۇرشاق جاۋادى. سولتۇستىك- باتىستان، شىعىستان، وڭتۇستىكتەن 15-20 م/س جىلدامدىقپەن جەل سوعادى، وبلىس اۋماعىندا جوعارى ءورت قاۋپى ساقتالادى. سەمەيدە كۇن كۇركىرەيدى. سولتۇستىك-باتىستان سوققان جەلدىڭ ەكپىنى كۇندىز 15-18 م/س جەتەدى.
كۇندىز اقمولا وبلىسىنىڭ سولتۇستىگىندە، شىعىسىندا كۇن كۇركىرەيدى. سولتۇستىك- باتىستان 15-20 م/س جىلدامدىقپەن جەل سوعادى. تۇندە وبلىستىڭ سولتۇستىگىندە 2 گرادۋس اياز بولادى.
الماتى وبلىسىندا سولتۇستىك- باتىستان جەل سوعادى، تاۋلى اۋداندارداعى جەلدىڭ ەكپىنى 15-20 م/س جەتەدى. قونايەۆ قالاسىندا سولتۇستىك- باتىستان جەل سوعادى، كۇندىز ەكپىنى 15-20 م/س جەتەدى.
اتىراۋ وبلىسىندا شىعىستان، وڭتۇستىك- شىعىستان 15-20 م/س جىلدامدىقپەن جەل سوعادى دەپ كۇتىلۋدە. اتىراۋدا توتەنشە ءورت قاۋپى ساقتالادى.
كۇندىز شىعىس قازاقستان وبلىسىنىڭ سولتۇستىگىندە، شىعىسىندا قاتتى جاڭبىر جاۋادى. تۇندە وبلىستىڭ سولتۇستىگىندە كۇن كۇركىرەيدى، شىعىسىندا بۇرشاق جاۋۋى ىقتيمال. سولتۇستىك- باتىستان سوققان جەلدىڭ ەكپىنى تاڭەرتەڭ جانە كۇندىز وبلىستىڭ باتىسىندا، سولتۇستىگىندە، شىعىسىندا 15-20 م/س. وسكەمەندە كۇن كۇركىرەيدى. سولتۇستىك- باتىستان سوققان جەلدىڭ ەكپىنى كۇندىز 15-18 م/س جەتەدى.
جەتىسۋ وبلىسىنىڭ شىعىسىندا سولتۇستىك-باتىستان جەل سوعادى، وبلىستىڭ تاۋلى اۋداندارىندا ەكپىنى 15-20 م/س جەتەدى. تالدىقورعاندا جوعارى ءورت قاۋپى ساقتالادى.
باتىس قازاقستان وبلىسىنىڭ باتىسىندا جوعارى ءورت قاۋپى بار. وبلىستىڭ كوپ بولىگىندە اسا جوعارى ءورت قاۋپى ساقتالادى.
قاراعاندى وبلىسىنىڭ سولتۇستىگىندە، شىعىسىندا كۇن كۇركىرەيدى. وبلىستىڭ وڭتۇستىگىندە تۇندە سولتۇستىكتەن سوققان جەلدىڭ ەكپىنى كۇندىز ءوڭىردىڭ كوپ بولىگىندە 15-20 م/س بولادى. وبلىستىڭ باتىسىندا، شىعىسىندا جوعارى ءورت قاۋپى ساقتالادى. قاراعاندىدا كۇن كۇركىرەيدى. كۇندىز سولتۇستىكتەن 15-20 م/س جىلدامدىقپەن جەل سوعادى.
قوستاناي وبلىسىنىڭ وڭتۇستىگىندە جوعارى ءورت قاۋىپتىلىگى ساقتالادى.
قىزىلوردا وبلىسىندا تاڭەرتەڭ سولتۇستىك- شىعىستان 15-20 م/س جىلدامدىقپەن جەل سوعادى. وبلىستىڭ كوپ بولىگىندە، اسىرەسە سولتۇستىك-باتىستا، وبلىس ورتالىعىندا ءورت قاۋىپتىلىگى جوعارى بولادى. قىزىلوردادا سولتۇستىك- شىعىستان جەل سوعادى، تاڭەرتەڭ جانە كۇندىز ەكپىنى 15-20 م/س جەتەدى.
ماڭعىستاۋ وبلىسىنىڭ باتىسىندا وڭتۇستىك-شىعىستان جەل سوعادى، وبلىس ورتالىعىندا ەكپىنى 15-20 م/س جەتەدى. وبلىستىڭ كوپ بولىگىندە، سولتۇستىك- شىعىستا، وبلىس ورتالىعىندا ءورت قاۋىپتىلىگى جوعارى بولادى. اقتاۋدا توتەنشە ءورت قاۋپى ساقتالادى.
كۇندىز سولتۇستىك قازاقستان وبلىسىنىڭ شىعىسىندا كۇن كۇركىرەيدى. سولتۇستىكتەن سوققان جەلدىڭ ەكپىنى 15-20 م/س، تۇندە وبلىستىڭ شىعىسىندا 15-20 م/س جەتەدى. پەتروپاۆلدا كۇندىز 15-20 م/س جىلدامدىقپەن سولتۇستىكتەن جەل سوعادى دەپ كۇتىلۋدە.
تۇركىستان وبلىسىندا كۇندىز 15-20 م/س ەكپىنمەن تاۋلى اۋدانداردا سولتۇستىك- شىعىستان جەل سوعۋى ىقتيمال. وبلىستىڭ كوپ بولىگىندە توتەنشە (5-كلاستى) ءورت قاۋىپتىلىگى ساقتالادى.
ۇلىتاۋ وبلىسىندا كۇندىز سولتۇستىكتەن، شىعىستان جەل سوعادى. وبلىس ورتالىعىندا جەلدىڭ ەكپىنى 15-20 م/س جەتەدى. اتالعان ءوڭىردىڭ كوپ بولىگىندە، وبلىستىڭ وڭتۇستىگىندە ءورت قاۋىپتىلىگى جوعارى. جەزقازعاندا سولتۇستىكتەن جەل سوعادى، كۇندىز ەكپىنى 15-20 م/س جەتەدى.
