ەلىمىزدە وسىدان وتىز جىل بۇرىن سوڭعى يادرولىق زارياد جويىلدى

استانا. قازاقپارات - ەلىمىزدە وسىدان ءدال وتىز جىل بۇرىن سەمەي پوليگونىنداعى سوڭعى يادرولىق زارياد جويىلدى، دەپ حابارلايدى 24kz.

 بۇل 1991 -جىلى سىناق الاڭىن جابۋ تۋرالى شەشىمنىڭ سوڭعى نۇكتەسى ەدى. 1995 -جىلى قازاق دالاسىنداعى قاۋىپتىڭ قارۋدىڭ بارلىعى رەسەي اۋماعىنا شىعارىلدى. كەلەسى جىلى ستراتەگيالىق بومبالاۋشى ۇشاقتار ەل اۋماعىنان الاستاتىلدى.

سەمەي ايماعىندا 1949 -جىلدان بەرى 456 جارىلىس جاسالعان. ونىڭ 116-سى جەردىڭ بەتىندە ءوتتى. 18 ميلليون گەكتار اۋماقتى الىپ جاتقان سىناق الاڭىندا 40 جىل بويى بومبالار سىنالدى.

 بولاتبەك ابدىكارىم، «سەمەي يادرولىق پوليگونى» قوعامدىق قورىنىڭ ءتوراعاسى:

 - قازاقستان جەرىندە بۇكىل دۇنيەجۇزىندەگى 4- ارسەنال بولدى. سەمەي پوليگونىنىڭ قۋاتى جاپونياعا تاستالعان اتوم بومباسىنان بەس ەسە ارتىق، چەرنوبىلدان جيىرما بەس ەسە ارتىق. ونى عالىمدار دالەلدەگەن. بۇل 24 مىڭ جىلدان 100 مىڭ جىلعا دەيىن اسەرى بار.