ەلىمىزدە ورتالىق ازيا ەلدەرىنىڭ قاتىسۋىمەن اسكەري جاتتىعۋ وتەدى

Елімізде Орталық Азия елдерінің қатысуымен әскери жаттығулар өтеді
فوتو: gov.kz

استانا. KAZINFORM - بيىل ەلىمىزدە ازەربايجان مەن ورتالىق ازيا ەلدەرى: قىرعىزستان، تاجىكستان جانە وزبەكستاننىڭ قاتىسۋىمەن جاۋىنگەرلىك دايىندىق شارالارى اياسىندا اۋقىمدى اسكەري وقۋ- جاتتىعۋلار وتەدى.

بۇل تۋرالى قورعانىس ءمينيسترى گەنەرال- پولكوۆنيك رۋسلان جاقسىلىقوۆتىڭ باسشىلىعىمەن وتكەن 2024 وقۋ جىلىندا ق ر قارۋلى كۇشتەرىن دايارلاۋ مەن دامىتۋدىڭ نەگىزگى شارالارى بويىنشا وتكەن كەڭەستە ايتىلدى.

مينيستر نەگىزگى كۇش جاۋىنگەرلىك دايارلىقتىڭ ساپاسىنا جانە اسكەرلەردىڭ جاۋىنگەرلىك ازىرلىگىن ارتتىرۋعا باعىتتالاتىنىن اتاپ ءوتتى. قورعانىس ۆەدومستۆوسىنىڭ باسشىسى جەكە قۇرامنىڭ مەملەكەتتىڭ ەگەمەندىگى مەن اۋماقتىق تۇتاستىعىن قورعاۋ جونىندەگى جاۋىنگەرلىك مىندەتتەردى ورىنداۋعا دايىندىعى وسى فاكتورلارعا بايلانىستى ەكەنىن ايتتى.

әскери
فوتو: gov.kz

«بيىل ەل اۋماعىندا بەس مەملەكەتتىڭ قاتىسۋىمەن اۋقىمدى وقۋ-جاتتىعۋلار وتەدى. ول جوعارى دەڭگەيدە ۇيىمداستىرىلۋى كەرەك. جاۋاپكەرشىلىك ايماعىندا قاۋىپسىزدىكتى قامتاماسىز ەتۋ مىندەتىن ورىنداۋ ماقساتىندا باۋىرلاس حالىقتار مەن قارۋلى كۇشتەر اراسىنداعى دوستىق قارىم- قاتىناستى ساقتاۋ ءبىز ءۇشىن وتە ماڭىزدى»، - دەدى قازاقستان قورعانىس ءمينيسترى رۋسلان جاقسىلىقوۆ.

әскери
فوتو: gov.kz

قورعانىس ءمينيسترىنىڭ ءبىرىنشى ورىنباسارى - قارۋلى كۇشتەر باس شتابىنىڭ باستىعى گەنەرال-لەيتەنانت مارات قۇسايىنوۆتىڭ اتۋىنشا، 2024 -جىلعا 160 تان اسا جەدەل جانە 70 مىڭنان استام جاۋىنگەرلىك دايارلىق جونىندەگى ءىس-شارالار جوسپارلانعان. باس شتاب باستىعى ولاردىڭ ىشىندەگى ەڭ ماڭىزدىسى اسكەري-تەڭىز كۇشتەرىنىڭ، اسكەري-اۋە كۇشتەرىنىڭ، «باتىس» وڭىرلىك قولباسشىلىعىنداعى ارنايى وپەراتسيالار كۇشتەرىنىڭ، ودان وزگە ازەربايجان، قىرعىزستان، تاجىكستان جانە وزبەكستان اسكەري كونتينگەنتتەرىنىڭ قاتىسۋىمەن وتەتىن «بىرلەستىك» وقۋ- جاتتىعۋى ەكەنىن اتاپ ءوتتى.

әскери
فوتو: gov.kz

«2024 -جىلى قازاقستاندا بارلىعى 33 جارىس وتەدى. سونىمەن بىرگە اسكەري سپورتشىلار 17 حالىقارالىق جارىستا دا باعىن سىنايدى. بيىل قازاقستاندىق اسكەري قىزمەتشىلەردىڭ 35 حالىقارالىق تاكتيكالىق وقۋ-جاتتىعۋعا قاتىسۋى جوسپارلانىپ وتىر، ولاردىڭ التاۋى بىزدە وتەدى»، - دەدى قورعانىس ءمينيسترىنىڭ ءبىرىنشى ورىنباسارى.

سوڭعى جاڭالىقتار