ەلىمىزدە مۋزەيگە كەلۋشىلەر سانى 6 ميلليونعا جۋىقتاعان

Фото: akorda.kz
Фото: из открытых источников

ەلىمىزدە مۋزەي ءىسى قالاي دامىپ جاتىر؟ كەلۋشىلەر سانى قانشا؟ بۇل ساۋالدارعا ق ر مادەنيەت جانە اقپارات مينيسترلىگى مادەنيەت كوميتەتىنىڭ ءتوراعاسى كۇمىس سەيىتوۆا جاۋاپ بەردى، دەپ حابارلايدى Kazinform.

«مادەنيەت جانە اقپارات مينيسترلىگىنىڭ قولداۋىمەن العاش رەت ۇيىمداستىرىلىپ وتىرعان «قازاقستان مۋزەي قىزمەتكەرلەرىنىڭ I كونگرەسىنە» قوش كەلدىڭىزدەر. مەملەكەت باسشىسى بيىلعى جولداۋىندا مادەنيەتتى، ءبىلىمدى، عىلىمدى دامىتۋ ارقىلى قازىرگى اشىق الەمنىڭ ءبىر بولشەگى بولۋعا ۇمتىلۋىمىز كەرەك ەكەنىن ەرەكشە اتاپ ءوتتى. وزدەرىڭىز بىلەسىزدەر ۇلتىمىزدىڭ سان عاسىرلىق مادەنيەتى مەن تاريحىن حالىقارالىق دەڭگەيدە ناسيحاتتاۋدا مۋزەيلەرىمىزگە ۇلكەن مىندەتتەر جۇكتەلىپ وتىر. ەلىمىزدە 270 تەن استام مەملەكەتتىك مۋزەي بار. ولار مەملەكەت باسشىسىنىڭ تاپسىرماسىن لايىقتى ىسكە اسىرۋعا ءوز ۇلەسىن قوسىپ كەلەدى»، - دەدى كۇمىس سەيىتوۆا ەلوردادا مۋزەي قىزمەتكەرلەرىنىڭ I كونگرەسىندە.

كوميتەت باسشىسىنىڭ ايتۋىنشا، مۋزەيگە قىزىعۋشىلىق جىلدان جىلعا ارتىپ كەلەدى.

«بىلتىر ەلىمىز بويىنشا مۋزەيگە كەلۋشىلەر سانى 6 ميلليونعا جۋىقتادى. بۇل ەلىمىزدىڭ مادەني قۇندىلىقتارىنا دەگەن قىزىعۋشىلىقتىڭ جىلدان-جىلعا ارتىپ كەلە جاتقانىنىڭ نىشانى دەپ بىلەمىز. بۇگىن ۇلتتىق مۋزەيدە تۇڭعىش رەت ۇيىمداستىرىلىپ وتىرعان قازاقستان مۋزەي قىزمەتكەرلەرىنىڭ I كونگرەسى وتاندىق مۋزەي سالاسىنىڭ كاسىبي ماماندارىنىڭ ءوزارا تاجىريبە الماساتىن تۇراقتى ديالوگ الاڭى بولاتىنىنا سەنىمدىمىن»، - دەيدى ول.

ايتا كەتەيىك، بۇگىن ەلوردادا مۋزەي قىزمەتكەرلەرىنىڭ I كونگرەسى ءوتىپ جاتىر.

سوڭعى جاڭالىقتار