ەلىمىزدە كوكجوتەلدەن 3 بالا كوز جۇمعان: پاۆلودارلىق دارىگەرلەر دابىل قاعىپ وتىر
پاۆلودار. KAZINFORM - جىل باسىنان قاۋىپتى ينفەكسيانى 70 بالا جۇقتىرعان. دارىگەرلەر كوكجوتەلدى جۇقتىرماس ءۇشىن وعان قارسى ەكپەنى ۋاقىتىندا الۋ كەرەك دەيدى.
كوكجوتەلمەن ادەتتە 14 جاسقا دەيىنگى بالالار اۋىرادى.
ول اسىرەسە، ومىراۋداعى سابيلەر ءۇشىن قاۋىپتى.
وڭىرلىك سانتاريالىق- ەپيدەميولوگيالىق باقىلاۋ دەپارتامەنتىنىڭ ماماندارى دەرتتىڭ اسا قاۋىپتى ەكەنىن ەسكەرتەدى.
«پاۆلودار وبلىسىندا جىل باسىنان 70 بالانىڭ كوكجوتەلمەن اۋىرعانى تىركەلدى. بىلتىر ءدال وسى كەزەڭدە مۇنداي اۋرۋ مۇلدە كەزدەسپەگەن ەدى. كوكجوتەلگە قارسى ۆاكسيا سالۋ دەرتتىڭ الدىن الادى. ونداي بالاعا ينفەكسيا جۇققاننىڭ وزىندە اۋرۋ جەڭىل تۇردە وتەدى» دەپ ءتۇسىندىردى دەپارتامەنتتەن.
جىل باسىنان بەرى رەسپۋبليكادا كوكجوتەلدەن ءۇش ءسابي كوز جۇمعان، ولاردىڭ بارلىعى ەكپە الماعانى انىقتالدى.
بۇعان دەيىن بۇل دەرتتىڭ الماتىدا دا تارالىپ كەتكەنىن جازعان ەدىك.
اۆتور
مۇرات اياعان
