ەلىمىزدە كاربوندى پوليگوندار قۇرىلادى

استانا. KAZINFORM - پرەمەر-مينيستر ولجاس بەكتەنوۆ ۇكىمەت وتىرىسىندا «تازا قازاقستان» ۇلتتىق زاڭناماعا كاربوندى پوليگون قۇرۋعا مۇمكىندىك بەرەتىن وزگەرتۋلەر ەنگىزۋدى تاپسىردى.

تت
Фото: ҚР Мәдениет және ақпарат министрлігі

— جەرگىلىكتى اتقارۋشى ورگاندار ءوز وڭىرلەرىندە ورمان پيتومنيكتەرىن قۇرىپ، اعاش كوشەتتەرىنىڭ جەرسىنىپ كەتۋىن قامتاماسىز ەتسىن. ەكولوگيا مينيسترلىگى كاربوندى پوليگوندار جوبالارىن ىسكە اسىرۋ ءۇشىن ءتيىستى زاڭنامالىق تۇزەتۋلەر ازىرلەسىن. ەكولوگيا جانە سيفرلىق دامۋ مينيسترلىكتەرى ستيحيالىق قوقىس ورىندارىن انىقتاۋ ءۇشىن ەلىمىزدىڭ اۋماقتارىن عارىشتىق مونيتورينگپەن قامتۋدى جانە مەرزىمدى تەكسەرۋدى ۇلعايتسىن، — دەدى ولجاس بەكتەنوۆ.

كاربون پوليگونى دەگەن — بىرەگەي ەكوجۇيەگە ارنالعان اۋماقتار. بۇل اۋماقتار توپىراق پەن وسىمدىكتەردىڭ، اۋماقتا تىرشىلىك ەتەتىن جان-جانۋاردىڭ قورشاعان كومىرسۋتەك گازىنىڭ اسەرىنە، اگروحيميالىق وزگەرىستەرگە بەيىمدەلۋىن زەرتتەپ، ەڭ ءتيىمدى تاسىلدەرىن ازىرلەۋ ءۇشىن قۇرىلادى.

سونداي-اق، ۇكىمەت باسشىسى ەكولوگيا مينيسترلىگىنە جەرگىلىكتى اكىمدىكتەرمەن بىرگە قورشاعان ورتاعا تاستالاتىن شىعارىندىلاردى قاداعالايتىن اۆتوماتتى قوندىرعىلاردى جىلدامداتىپ ورناتۋدى تاپسىردى.

— مادەنيەت، وقۋ-اعارتۋ، عىلىم جانە جوعارى ءبىلىم مينيسترلىكتەرى قورشاعان ورتانى ساقتاۋ جانە حالىقتىڭ ەكولوگيالىق مادەنيەتىن ارتتىرۋ سالاسىنداعى تاربيەلىك جانە ءتۇسىندىرۋ جۇمىستارىن كۇشەيتسىن، — دەدى پرەمەر-مينيستر.

سونىمەن قاتار، ەكولوگيا جانە تابيعي رەسۋرستار ءمينيسترى ەرلان نىسانبايەۆ كولىكتى 5 مينۋتتان استام قىزدىرۋدىڭ ەكولوگياعا زيانى تۋرالى پىكىر ءبىلدىردى.

سوڭعى جاڭالىقتار