ەلىمىزدە حيدجاب كيۋگە زاڭدى تۇردە تىيىم سالىنا ما
مادەنيەت جانە اقپارات ءمينيسترى ايدا بالايەۆا كوپشىلىك جەردە حيدجاب كيىپ جۇرۋگە قاتىستى تاعى ءبىر ءتۇسىندىرىپ ءوتتى، دەپ حابارلايدى قازاقپارات ءتىلشىسى.
«ءبىزدىڭ قولدانىستاعى زاڭىمىزدا «دەسترۋكتيۆتى ءدىني اعىمدار» دەگەن ۇعىم جوق. سوندىقتان مۇندا ءبىز بارلىق تارماقتار بويىنشا جۇمىس جۇرگىزۋىمىز كەرەك. ارينە، بۇل ماسەلە قوعامنىڭ پىكىرىن ەسكەرە وتىرىپ، وتە مۇقيات زەرتتەۋدى قاجەت ەتەدى. مەنىڭ ويىمشا، بۇل باعىتتا ساراپشىلار، تەولوگتار بىزگە كومەكتەسىپ قانا قويماي، بۇكىل جۇرتشىلىق قوسىلادى دەپ ويلايمىن. ويتكەنى بۇگىندە ازاماتتىق قوعام ينستيتۋتتارى، ۇكىمەتتىك ەمەس ۇيىمدار بىزبەن وتە تىعىز قارىم-قاتىناستا. ءبىز جوسپارلاعان شارالار جوعارى دا اتالعان وكىلدەرمەن بىرگە جۇزەگە اسىرىلادى دەپ ويلايمىن»، - دەدى ايدا بالايەۆا و ك ق- وتكەن بريفينگىدە.
سونداي-اق، ب ا ق وكىلدەرى مينيستردەن حيدجاب جانە باسقا دا ءدىني كيىمدەردى كيۋگە تىيىم سالىنا ما دەپ سۇرادى.
«ارينە، ءبىز بۇل نورمالاردى زەرتتەپ، ۇسىناتىن بولامىز. قوعامدىق ورىنداردا حيدجايۋ كيىپ ءجۇرۋ الەمدىك تاجىريبە ەكەنىن كورىپ ءجۇرمىز. بۇل جەردە ماسەلە ۇلتتىق قاۋىپسىزدىكتە. قوعامدىق ورىنداردا بەتىن تۇمشالاپ جاۋىپ جۇرەتىندەردى تانۋ وتە قيىن. تاعى ءبىر ايتا كەتەتىن جايت، بۇل ماسەلە قوعاممەن بىرگە زەرتتەلۋى ءتيىس. ءبىز ۋاكىلەتتى ورگان رەتىندە وسى باعىتتاعى جۇمىستى كۇشەيتۋ جانە زاڭنامالىق نورمالاردى قاتاڭداتۋ بويىنشا جۇمىس ىستەيتىن بولامىز»، - دەپ تۇيىندەدى مينيستر.
