ەلىمىزدە باسپانانى جالعا الۋ قۇنى كوتەرىلدى
استانا. KAZINFORM - قاڭتاردا ەلىمىزدە باسپانانى جالعا الۋ قۇنى ازداپ كوتەرىلدى. بۇل تۋرالى قازاقستان ريەلتورلارى بىرلەسكەن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو ايتتى.
«وتكەن جىلدىڭ ستاتيستيكاسى 2024-جىلدىڭ قاڭتارىندا 2023-جىلمەن سالىستىرعاندا جالعا الۋ مولشەرلەمەسىنىڭ 4,3 پايىزعا ارتقانىن كورسەتىپ وتىر. ەشقانداي وزگەرىس كۇتىلمەيدى. بارلىق باعا ەلىمىزدەگى جالپى ەكونوميكالىق كورسەتكىشتەر مەن ينفلياتسيا دەڭگەيى اياسىندا وزگەرەدى. سۇرانىس تۇراقتى ساقتالادى. ادەتتەگىدەي، ەكونوم-سەگمەنتتەگى ستاندارتتى وزگەرىستەردى تامىز-قىركۇيەك ايلارىندا بايقايمىز»، - دەدى نينا لۋكيانەنكو اگەنتتىك تىلشىسىنە.
وسى ورايدا، ساراپشى باسپانانى جالعا الۋ باعاسى سۇرانىستىڭ تولەم قابىلەتى مەن ۇسىنىستىڭ ىقپالى نەگىزىندە قالىپتاساتىندىعىنا باسا نازار اۋدارتتى.
بۇعان دەيىن الداعى 3 جىلدا ەلىمىزدە جىلجىمايتىن مۇلىك باعاسى ءبىرشاما قىمباتتاۋى مۇمكىن ەكەنىن جازعان ەدىك.
