ەلىمىزدە اپتا ىشىندە بولعان كادرلىق تاعايىنداۋلار

استانا. KAZINFORM - بۇل اپتا ىشىندە ەلىمىزدە ءبىرقاتار كادرلىق اۋىس-ءتۇيىس بولدى.

پولكوۆنيك ابزال عابدوللا ۇلى جۇماتايەۆ ق ر ءى ءى م ۇلتتىق ۇلانى باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى بولىپ تاعايىندالدى.

ابزال جۇماتايەۆ مانساپ جولىن 1997-جىلى باستاعان. سودان بەرى ىشكى ىستەر ورگاندارى جۇيەسىندە ءارتۇرلى باسشىلىق لاۋازىمداردا قىزمەت ەتىپ، ءوزىن تاجىريبەلى وفيتسەر رەتىندە كورسەتە بىلگەن.

ايبەك سىدىقوۆ مادەنيەت جانە اقپارات ۆيتسە-ءمينيسترى قىزمەتىنە تاعايىندالدى.

ايبەك سىدىقوۆ 1983-جىلى الماتىدا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.

ەڭبەك جولىن 2006-جىلى «الماتى قالاسى تاريحى مۋزەيى» ك م ق ك- دا ەكسكۋرسيا جۇرگىزۋشىسى بولىپ باستاعان.

2007-2015-جىلدارى - «الماتى قالاسى تاريحى مۋزەيى» ك م ق ك عىلىمي قىزمەتكەرى، ديرەكتوردىڭ ورىنباسارى، ديرەكتورى؛

2015-2016-جىلدارى - «الماتى قالاسى مۋزەيلەرىنىڭ بىرلەستىگى» ك م ق ك ديرەكتورى؛

2016-2022-جىلدارى «مادەنيەتتەردى جاقىنداستىرۋ ورتالىعى مەملەكەتتىك مۋزەيى» ر م ق ك مۇراجاي ءبولىمىنىڭ باسشىسى، ديرەكتوردىڭ ورىنباسارى قىزمەتتەرىن اتقاردى.

2022-جىلدان باستاپ قازىرگى ۋاقىتقا دەيىن قر مادەنيەت جانە اقپارات مينيسترلىگى مادەنيەت كوميتەتىنىڭ «قازاقستان رەسپۋبليكاسىنىڭ ۇلتتىق مۋزەيى» ر م ق ك ديرەكتورىنىڭ ورىنباسارى بولدى.

ق ر تۋريزم جانە سپورت مينيسترلىگى اپپاراتى باسشىسىنىڭ بۇيرىعىمەن عالىمجان الياكبار ۇلى مۇستافايەۆ ق ر تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى ءتوراعاسىنىڭ ورىنباسارى قىزمەتىنە تاعايىندالدى.

عالىمجان مۇستافايەۆ 1978-جىلى 7-تامىزدا قىزىلوردا قالاسىندا دۇنيەگە كەلگەن.

قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىن (قۇقىقتانۋ)، «بولاشاق» ۋنيۆەرسيتەتىن (ەكونوميكا) ءتامامداعان.

ەڭبەك جولىن 1995-جىلى قىزىلوردا قالالىق سوتىنىڭ سوت وتىرىسىنىڭ حاتشىسى، سوت ورىنداۋشىسى بولىپ باستاعان.

1999-2001 ج. ج. - اۋىسۋ تارتىبىمەن قازالى اۋداندىق مەملەكەتتىك نوتاريالدىق كەڭسەسىنىڭ كونسۋلتانتى، مامانى.

2002-2005 ج. ج. - قىزىلوردا قالاسى اكىمى اپپاراتىنىڭ مەملەكەتتىك-قۇقىقتىق جۇمىستار ءبولىمىنىڭ جەتەكشى مامانى، ءبولىم باسشىسى، قالا اكىمىنىڭ كومەكشىسى.

2005-2008 ج. ج. - جەكە كاسىپكەر.

2008-2010 ج. ج. – ق ر قارجى مينيسترلىگى كەدەندىك باقىلاۋ كوميتەتىنىڭ قىزىلوردا وبلىسى بويىنشا كەدەندىك باقىلاۋ دەپارتامەنتى زاڭ ءبولىمىنىڭ باس مامانى.

2010-2022 ج. ج. - قىزىلوردا وبلىستىق كاسىپكەرلىك جانە ونەركاسىپ باسقارماسى، وبلىستىق كاسىپكەرلىك جانە تۋريزم باسقارماسىنىڭ باس مامانى، ءبولىم باسشىسى، باسقارما باسشىسىنىڭ ورىنباسارى.

2022-2023 ج. ج. – ق ر مادەنيەت جانە سپورت مينيسترلىگى تۋريزم يندۋسترياسى كوميتەتى ويىن بيزنەسىن جانە لوتەرەيا قىزمەتىن ۇيلەستىرۋ باسقارماسىنىڭ باسشىسى.

2023-2024 ج. ج. – ق ر تۋريزم جانە سپورت مينيسترلىگى تۋريزم يندۋسترياسى كوميتەتى ويىن بيزنەسى سالاسىنداعى مەملەكەتتىك قىزمەتتەر باسقارماسىنىڭ باسشىسى.

2024-جىلدان باستاپ وسى كەزەڭ كەزەڭگە دەيىن ق ر تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى مەملەكەتتىك قىزمەتتەر باسقارماسىنىڭ باسشىسى قىزمەتىن اتقاردى.

الىبەك حاسەنوۆ ق ر تۋريزم جانە سپورت مينيسترلىگى «قازسپورتينۆەست» ا ق پرەزيدەنتى بولىپ تاعايىندالدى.

الىبەك حاسەنوۆ 1986-جىلى 3-قازاندا قاراعاندى وبلىسىنىڭ ساران قالاسىندا دۇنيەگە كەلگەن.

اكادەميك ە. ا. بوكەتوۆ اتىنداعى قاراعاندى ۋنيۆەرسيتەتىن (ماركەتينگ)، قازاقستان-رەسەي ۋنيۆەرسيتەتىن (قۇقىق) ءتامامداعان.

ەڭبەك جولىن 2016-جىلى ق ر پرەزيدەنتى ءىس باسقارماسىنىڭ «قاراوتكەل» ر م ك رەسمي ءىس-شارالار ءبولىمىنىڭ باستىعى بولىپ باستاعان.

2018-جىلدان باستاپ مەملەكەتتىك جانە ءىرى ءىس-شارالاردى ۇيىمداستىرۋمەن اينالىسادى.

2019-2024-جىلدارى - كانوە فەدەراتسياسىنىڭ ەسكەك ەسۋ سپورتىن دامىتۋ جونىندەگى اتقارۋشى ديرەكتور. 2024-جىلدان باستاپ استانادا «بولاشاقتىڭ ويىندارىن» وتكىزۋگە ءوتىنىم ازىرلەۋ جونىندەگى جۇمىس توبىنىڭ مۇشەسى.

اقمولا وبلىسى اكىمىنىڭ بۇيرىعىمەن دوسۇلان ايتبايەۆ اقمولا وبلىسى اكىمىنىڭ ورىنباسارى بولىپ تاعايىندالدى.

دوسۇلان ەرلان ۇلى ايتبايەۆ ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن بىتىرگەن. ساياسات تانۋ ماگيسترى.

مەملەكەتتىك قىزمەتتە 17 جىلدىق ەڭبەك ءوتىلى بار.

ەڭبەك جولىن 2008-جىلى قوستاناي وبلىسى جانگەلدين اۋدانى اكىمى اپپاراتىنىڭ باس مامانى رەتىندە باستاعان.

قوستاناي وبلىسى اكىمى اپپاراتى مەن قر مادەنيەت جانە اقپارات مينيسترلىگىندە، ءبىلىم جانە عىلىم مينيسترلىگىندە، قر پرەزيدەنتى اكىمشىلىگىندە ءتۇرلى جاۋاپتى قىزمەتتەر اتقارعان.

تاعايىندالعانعا دەيىن اقمولا وبلىسى اكىمى اپپاراتىنىڭ باسشىسى لاۋازىمىندا بولدى.

ماڭعىستاۋ وبلىسى اكىمىنىڭ ورىنباسارى بولىپ تىلەك كوشماعانبەتوۆ تاعايىندالدى.

تىلەك جەتكىزگەن ۇلى كوشماعانبەتوۆ 1979-جىلى ماڭعىستاۋ وبلىسىندا تۋعان.

ەڭبەك جولىن 2001-جىلى «نەفتەبانك» اكسيونەرلىك قوعامىندا نەسيە ءبولىمىنىڭ مامانى قىزمەتىنەن باستاپ، كەپىلدىك بەرۋ ءبولىمىنىڭ باس مامانى، نەسيە ءبولىمىنىڭ مەنەدجەرى قىزمەتىن اتقاردى.

2006-2007-جىلدارى «ت م-2006» جاۋاپكەرشىلىگى شەكتەۋلى سەرىكتەستىگىنىڭ ديرەكتورى. 2007-2010-جىلدارى مۇنايلى اۋداندىق كاسىپكەرلىك ءبولىمىنىڭ باس مامانى، كەيىن ءبولىم باسشىسى لاۋازىمىن اتقاردى. 2010-2012-جىلدار ارالىعىندا ماڭعىستاۋ وبلىسى قارجى باسقارماسى باسشىسىنىڭ ورىنباسارى بولىپ قىزمەت اتقاردى.

2012-2015-جىلدارى جاڭاوزەن قالاسى اكىمىنىڭ ورىنباسارى، 2015-2019-جىلدارى اقتاۋ قالاسى اكىمىنىڭ ورىنباسارى بولدى. 2019-2022-جىلدارى ماڭعىستاۋ اۋدانىنىڭ اكىمى لاۋازىمىن اتقاردى.

اسقار عازاليەۆ قاراعاندى وبلىسى ونەركاسىپ باسقارماسىنىڭ باسشىسى بولىپ تاعايىندالدى.

اسقار عازاليەۆ مەملەكەتتىك قىزمەتتە 2009-جىلدان بەرى ەڭبەك ەتىپ كەلەدى. ق ر قارجى مينيسترلىگىندە، ق ر پرەزيدەنتىنىڭ ءىس- باسقارماسىندا ءتۇرلى لاۋازىمداردا جۇمىس ىستەدى. قر پرەمەر- ءمينيسترى كەڭسەسىنىڭ وڭىرلىك دامۋ ءبولىمىنىڭ باس كونسۋلتانتى، باس ينسپەكتورى لاۋازىمدارىن اتقاردى.

2024-جىلدىڭ ساۋىرىنەن باستاپ وسى ۋاقىتقا دەيىن قر ۇكىمەتى اپپاراتىنىڭ وڭىرلىك دامۋ جانە باقىلاۋ ءبولىمىنىڭ ينسپەكتورى قىزمەتىن اتقاردى.

سەرىك ەرگەشوۆ قىزىلوردا وبلىسى پوليتسيا دەپارتامەنتىنىڭ باستىعى بولىپ تاعايىندالدى.

سەرىك ءجۇرسىنباي ۇلى ەرگەشوۆ 1979-جىلى دۇنيەگە كەلگەن. ەڭبەك جولىن 1996-جىلدان ىشكى ىستەر ورگاندارىندا باستاعان. ۇزاق جىلدار بويى و ق و ءى ءى د شىمكەنت قالاسىنىڭ ىشكى ىستەر باسقارماسىندا ءتۇرلى باسشىلىق قىزمەتتەر اتقارعان. 2019-جىلدان شىمكەنت قالاسى پ د باستىعىنىڭ ورىنباسارى قىزمەتىندە بولدى.

ۇلىتاۋ وبلىسىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى مەن قازىناشىلىق دەپارتامەنتىنىڭ باستىعى تاعايىندالدى. قازىناشىلىق دەپارتامەنتىنىڭ باستىعى لاۋازىمىن ادىلبەك ەسقارايەۆ اتقاراتىن بولدى.

ادىلبەك تايجان ۇلى ەسقارايەۆ 1972-جىلى دۇنيەگە كەلگەن. قازاق مەملەكەتتىك ۋنيۆەرسيتەتىن «بۋحگالتەرلىك ەسەپ جانە اۋديتورلىك» جانە بولاشاق ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن.

1994-2008-جىلدار ارالىعىندا قىزىلوردا وبلىستىق سالىق ينسپەكتسياسىندا جانە قازىناشىلىق باسقارماسىندا قىزمەت اتقاردى.

2008-جىلدان باستاپ قىزىلوردا وبلىسى بويىنشا قازىناشىلىق دەپارتامەنتى باسشىنىڭ ورىنباسارى بولدى.

ال جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى بولىپ قۇرمەت ساتتىبايەۆ تاعايىندالدى.

قۇرمەت ەسمۇرات ۇلى ساتتىبايەۆ 1993-جىلى دۇنيەگە كەلگەن. قاراعاندى مەملەكەتتىك مەديتسينا ۋنيۆەرسيتەتىن «قوعامدىق دەنساۋلىق ساقتاۋ» جانە الماتى ەكونوميكا جانە ستاتيستيكا اكادەمياسىن «بۋحگالتەرلىك ەسەپ جانە اۋديت» ماماندىعى بويىنشا بىتىرگەن.

ەڭبەك جولىن 2014-جىلى قاراعاندى قالاسىنداعى «ەڭبەك گيگيەناسى جانە كاسىپتىك اۋرۋلار ۇلتتىق ورتالىعى» رەسپۋبليكالىق مەكەمەسىندە زەرتتەۋشى بولىپ باستادى.

2015-2017 -جىلدارى - قاراعاندى وبلىستىق جەدەل مەديتسينالىق جاردەم ستانتسياسىندا ءبولىم مەڭگەرۋشىسى.

2017-2020 -جىلدارى اقمولا وبلىسى بويىنشا ەڭبەك، الەۋمەتتىك قورعاۋ جانە كوشى-قون كوميتەتى دەپارتامەنتىندە جاۋاپتى قىزمەتتەر اتقاردى.

2020-2022-جىلدارى ەڭبەك جانە حالىقتى الەۋمەتتىك قورعاۋ مينيسترلىگىندە باس ساراپشى بولدى.

اتالعان لاۋازىمعا تاعايىندالماس بۇرىن باسقارما باسشىسىنىڭ ورىنباسارى بولىپ جۇمىس ىستەدى.

شىعىس قازاقستان وبلىسىنداعى ىشكى ساياسات پەن مادەنيەت باسقارمالارىنا جاڭا باسشى تاعايىندالدى.

ش ق و ىشكى ساياسات باسقارماسىنىڭ باسشىسى بولىپ ەرنۇر بۋراحان تاعايىندالدى.

ول ءار جىلدارى وبلىس اكىمىنىڭ، قر ەڭبەك جانە حالىقتى الەۋمەتتىك قورعاۋ مينيسترلىگىنىڭ، «سامۇرىق- قازىنا» جىلجىمايتىن مۇلىك قورىنىڭ باسپا ءسوز حاتشىسى، شقو ىشكى ساياسات باسقارماسى باسشىسىنىڭ ورىنباسارى، اقتوبە وبلىسى اكىمى اپپاراتى باسشىسىنىڭ ورىنباسارى قىزمەتتەرىن اتقارعان.

«Aqtobe» ايماقتىق تەلەكومپانياسىنىڭ باس ديرەكتورى جانە «Qazaq radiolary» ج ش س- ءنىڭ باس ديرەكتورى لاۋازىمدارىندا جۇمىس ىستەگەن.

2023 -جىلدان باستاپ وسى ۋاقىتقا دەيىن شىعىس قازاقستان وبلىسى اكىمىنىڭ كەڭەسشىسى قىزمەتىن اتقاردى.