ەلىمىزگە كەلگەن شەتەلدىكتەر كوبىنە قاي سالادا جۇمىس ىستەيتىنى ايتىلدى

استانا. قازاقپارات - 2025 -جىلعى 1-ساۋىردەگى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 13891 شەتەل ازاماتى ەڭبەك ەتەدى، دەپ حابارلايدى ەڭبەكمينى باسپا ءسوز قىزمەتى.

شەتەل جۇمىس كۇشىن (بۇدان ءارى - ش ج ك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 570 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 2439 رۇقسات (ەكىنشى سانات). تارتىلعان ش ج ك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە ولار 4541 جانە 1023 ادام. سونداي-اق ماۋسىمدىق جۇمىستارعا 1709 ادام، ال كورپوراتيۆتىك اۋىستىرۋ اياسىندا 3609 ادام تارتىلدى.

قازىرگى ۋاقىتتا قازاقستاندا ش ج ك پايدالاناتىن 1768 جۇمىس بەرۋشى بار. ولاردا 376 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ %96,4 ى.

ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا - 5131 ادام، اۋىل، ورمان جانە بالىق شارۋاشىلىعى - 1695 ادام، تاۋ- كەن ونەركاسىبى جانە كارەرلەردى قازۋ - 1351 ادام، وڭدەۋ ونەركاسىبى - 1232 ادام.

ەڭبەك ميگرانتتارى كەلەتىن نەگىزگى ەلدەر: قىتاي - 4885 ادام، وزبەكستان - 1614 ادام، ءۇندىستان - 1150 ادام، تۇركيا - 1124 ادام.

- ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيتىنىن جانە بولەتىنىن ەستەرىڭىزگە سالامىز. 2025 -جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى %0,2 مولشەرىندە نەمەسە 14,8 مىڭ بىرلىك بولىپ بەلگىلەنگەن، ال وسى جىلدىڭ ناۋرىز ايىنان باستاپ جەرگىلىكتى اتقارۋشى ورگانداردىڭ وتىنىمدەرىنە بايلانىستى ءمينيستردىڭ بۇيرىعىمەن 16,5 مىڭ بىرلىككە دەيىن ۇلعايتىلدى، - دەلىنگەن حابارلامادا.

وسىعان دەيىن ەڭبەكمينى ايلىعى %20 عا وسەتىن مامانداردى اتادى.

اۆتور

اينۇر تۋماكبايەۆا