ۇلى بريتانيا رەسەيگە قارسى سانكسيالار اۋقىمىن كەڭەيتتى

لوندون. KAZINFORM – ۇلى بريتانيا رەسەيگە قارسى اۋقىمى كەڭ سانكسيالار ءتىزىمىن جاريالادى. قارا تىزىمگە مۇناي تاسىمالدايتىن تانكەرلەردىڭ 1كولەڭكەلى فلوتى1 جانە ماسكەۋدىڭ نەگىزگى ساقتاندىرۋ كومپانياسى دا ەندى، دەپ حابارلايدى Kazinform-نىڭ ۇلى بريتانياداعى ءتىلشىسى.

بۇل شارالار رەسەيگە باتىستىق سانكسيالاردى اينالىپ وتۋگە كومەكتەسەتىن جۇزدەگەن مۇناي تانكەرىنە جانە ولاردىڭ سوقتىعىسۋى مەن مۇنايدىڭ توگىلۋى سياقتى تاۋەكەلدەردەن ساقتاندىراتىن «ينگوسستراح» كومپانياسىنا قارسى باعىتتالعان، دەلىنگەن ۇلى بريتانيا ۇكىمەتىنىڭ مالىمدەمەسىندە.

تىزىمگە ونەركاسىپتىڭ ءار ءتۇرلى سالاسىنان بارلىعى 50 زاڭدى جانە جەكە تۇلعا ەنگەن.

بۇل شەكتەۋلەر ب ۇ ۇ- داعى كەمە قاتىناسىن باقىلاۋ ورگانى تەڭىزدە جۇك تاسىمالدايتىن فلوتتىڭ وسۋىنە بايلانىستى الاڭداۋشىلىق بىلدىرگەننەن كەيىن ەنگىزىلدى. دەگەنمەن سانكسيالاردىڭ قانشالىقتى ءتيىمدى بولاتىنى ازىرگە بەلگىسىز.

بۇعان دەيىن كەيبىر رەسەيلىك كەمەلەر ا ق ش سانكسيالارىنان كەيىن ساۋدا-ساتتىقتى ادەتتەگىشە جۇرگىزە الماي قينالعان بولاتىن. يران مەن ۆەنەسۋەلا سياقتى سانكسياعا ۇشىراعان ەلدەر مۇناي ەكسپورتىن جالعاستىرۋ ءۇشىن كولەڭكەلى كەمەلەردى جىلدار بويى پايدالانىپ كەلگەنى بەلگىلى.

سارسەنبىدە جاريالانعان سانكسيالار ا ق ش- تىڭ وسىعان ۇقساس ارەكەتتەرىنىڭ جالعاسى. الداعى ۋاقىتتا ەۋروپالىق وداق تا وسىنداي قادامعا بارماق. ە و 10 شاقتى كەمەگە قارسى سانكسيا ەنگىزۋدى ۇسىنىپ وتىر. ۇلى بريتانيا ۇكىمەتى بۇل قادامداردىڭ «ۇلكەن جەتىلىككە» مۇشە ەلدەرمەن كەلىسىلگەنىن ايتتى.

مۇناي ەكسپورتىنا قارسى شارالارعا قوسىمشا رەتىندە سۇيىتىلعان تابيعي گاز سەكتورىنا باعىتتالعان شەكتەۋلەر دە ەنگىزىلدى.

سونىمەن قاتار سانكتسيالار ماسكەۋ قور بيرجاسىنا، رەسەي قارۋلى كۇشتەرىنە، سونىڭ ىشىندە قىتايدا، يزرايلدە، قىرعىزستاندا جانە تۇركيادا ورنالاسقان ۇيىمدارعا، سونداي-اق سولتۇستىك كورەيادان رەسەيگە اسكەري تاۋارلاردى تاسىمالدايتىن كەمەلەرگە قارسى باعىتتالعان.

اۆتور

عالىمجان قارامان ۇلى