ەلوردا تۇرعىنى قىستىگۇنى دالادا سۋعا ءتۇسۋدى كۇندەلىكتى داعدىسىنا اينالدىرعان
استانا. قازاقپارات- قىستىڭ قاقاعان ايازىندا جازعى جەيدە، بالاقسىز شالبارمەن جۇرگەن الەكساندردى استانا كوشەلەرىنەن كورىپ قالساڭىز تاڭ قالماڭىز. ول بالالارىن باقشاعا اپارسا دا، جۇمىسقا بارسا دا، وسىلاي جۇرە بەرەدى.

الەكساندردىڭ قالىڭ كيىمدى تاستاعانىنا 12 جىل بولدى. ول قىستىگۇنى دالادا سۋعا ءتۇسۋدى دە كۇندەلىكتى داعدىسىنا اينالدىرعان. ويىققا ءوزى سەكىلدى 100-گە تارتا ادام كەلەدى.
الەكساندر نيكيتين، استانا قالاسىنىڭ تۇرعىنى:
- العاشقىدا كۇرتەمدى شەشپەسەم دە، شولاق شالبارمەن جۇرە باستادىم، كەيىن جىلى جەلەتكەگە كوشتىم، سودان كەيىن ونى دا تاستاپ، تەك شولاق جەڭ جۇرەتىن بولدىم. مۇنداي ءومىر سالتى ماعان كوبىرەك قۋات سىيلايدى، ءوزىمدى جەڭىل سەزىنەمىن، اۋرۋ دەگەندى ۇمىتتىم.
قىستىگۇنى جىلى كيىمسىز جۇرەتىن، ءتىپتى سۋىق سۋعا سۇڭگيتىن اۋەسقويلار كوپ. ولار وزدەرىن سپورتشىمىز دەپ بىلەدى. جالپى رەسەي، قىتاي، ەۋروپا ەلدەرىندە شىنىعۋدىڭ بۇل ءتۇرى كاسىبي سپورت سانالادى. قىسقى جۇزۋدەن ءتۇرلى جارىستار دا وتەدى. سوندىقتان ەلدەگى قوعامدىق ۇيىمدار وسى قىسقى ءجۇزۋ بىزدە دە سپورتتىق دەڭگەيگە جەتكىزىپ، فەدەراتسيا قۇرساق پا دەگەن ماقسات قويىپ وتىر.
يرينا شۋلەنبايەۆا، شىنىقتىرۋ جانە قىسقى ءجۇزۋ قوعامدىق ۇيىمىنىڭ قۇرىلتايشىسى:
- بۇل سپورتتا اۋا تەمپەراتۋراسى دا، سۋدىڭ تەمپەراتۋراسى دا ماڭىزدى ءرول اتقارادى. سوندىقتان كليماتتىق جاعدايلار سايكەس كەلۋى شارت. ال ءبىزدىڭ ەل قىسقى ءجۇزۋ سپورتى ءۇشىن كەرەمەت الاڭ. سونىمەن قاتار بىزدە رۋحى مىقتى، باسەكەگە تۇسكىسى كەلەتىن اۋەسقويلار دا جەتەرلىك. قازىر ءبىز وسى ءبىر جاڭا سپورت ءتۇرىن دامىتۋ تۋرالى جوسپار قۇرىپ جاتىرمىز.
ويىققا اۋەسقويلار كۇندە شومىلادى. جۇمىس باستىلارى اپتاسىنا كەمى ءبىر رەت كەلەدى. وزدەرى بيىلدان باستاپ حالىقارالىق فەستيۆالدەرگە قاتىسىپ، ناۋرىزدا العاشقى رەسپۋبليكالىق جارىس ۇيىمداستىرۋعا نيەتتى.
24.kz