ۇلتتىق پروكاتتاعى ۇزدىك 10 فيلم: الماتىلىقتار قاي فيلم تاڭدايدى
استانا. KAZINFORM - وسى ايدا كينوپويسك ءوز ۆيدەوسەرۆيسىندە قازاقستاندىق كينوپروكاتتىڭ ەڭ تانىمال ۇزدىك 10 فيلمىن ۇسىندى.
تىزىمگە ورتالىق ازيادا تۇسىرىلگەن جانە قازاقستان پروكاتىنىڭ بارلىق كەزەڭىندەگى ەڭ كوپ كاسسالىق تابىس جيناعان فيلمدەر كىردى. ولاردىڭ كوپشىلىگى The Worldwide Box Office Authority دەرەكتەرىنە سايكەس 1 ميلليارد تەڭگەدەن استام جيناعان.
وندىقتاعى فيلمدەردىڭ قايسىسى كورەرمەندەردىڭ سۇيىكتىسىنە اينالعانىن انىقتاۋ ءۇشىن، كينوپويسك الماتى تۇرعىندارى اراسىندا ساۋالناما جۇرگىزدى. قالا تۇرعىندارىنىڭ جاۋاپتارى بار بەينەنى وسىندا كورۋگە بولادى. ساۋالناماعا ءار ءتۇرلى جاستاعى جانە كاسىپتەگى تۇرعىندار قاتىسىپ، ءوز اسەرلەرى مەن قازاقستاندىق فيلمدەردىڭ سۇيىكتى ساتتەرى تۋرالى اڭگىمەلەدى. بۇل الماتىلىق كورەرمەندەردىڭ فيلمدەرگە دەگەن كوزقاراسىن كورسەتەتىن قىزىقتى جانە شىنايى شولۋ.
كينوپويسكتەگى ۇلتتىق حيتتەردىڭ توپ-10 ءتىزىمى:
«ءداستۇر» - قازاق داستۇرلەرىنە نەگىزدەلگەن قورقىنىشتى فيلم
«تاپتىم-اۋ سەنى» - ماحاببات پەن وتباسىن قۇرۋ جايلى كومەديا
«پەيىش» - جۇماقتى ىزدەۋ تۋرالى اسەرلى وقيعا
«برات يلي براك 3» - باستى كەيىپكەر كوپتەن بەرى جوعالتقان ەگىز باۋىرىمەن كەزدەسەتىن سۇيىكتى كومەديانىڭ جالعاسى
«Zhezduha» - قازىرگى قازاقستان ءومىرى تۋرالى تانىمال ۆەب-سەريال نەگىزىندە تۇسىرىلگەن فيلم
«حوتيا بى كينودا 3» - باستى كەيىپكەردىڭ اناسىن قۇتقارۋ ءۇشىن ۇرلانعان جۇكتى تابۋعا ءماجبۇر بولاتىن قىزىقتى كومەديا
«قازاقشا بيزنەس ءۇندىستاندا» - كەيىپكەرلەر ءۇندى كەڭىستىكتەرىندە جاڭا شىتىرمان وقيعالارعا تاپ بولادى
«قازاقشا بيزنەس برازيليادا» - تانىمال فرانشيزانىڭ جاڭا ءبولىمى، وڭتۇستىك امەريكاعا كەيىپكەرلەر اتتانادى
«قازاقشا بيزنەس تۇركيادا» - تۇركياعا قازاق بيزنەسى ستيلىندە جاسالعان ساپار
«قازاقشا بيزنەس كورەيادا» - كەيىپكەرلەر قىمبات جابدىقتى جوندەۋگە وڭتۇستىك كورەياعا بارىپ، جاڭا قىزىقتار مەن شىتىرمان وقيعالارعا تاپ بولادى.
11. 2024 -جىلى قازاقستاندىق كينوپروكات اسەرلى ءوسىم كورسەتتى: ءبىرىنشى جارتىجىلدىقتاعى الىمدار 25,48 ميلليارد تەڭگەدەن استى، بۇل وتكەن جىلدارداعى كورسەتكىشتەردەن ەداۋىر جوعارى. كينوپويسك قازاقستاندىق كينەماتوگرافيانى قولداپ، كورەرمەندەرگە ەڭ تابىستى جوبالار ارقىلى وتاندىق فيلمدەر الەمىنە ەنۋگە مۇمكىندىك بەرەدى. «ۇلتتىق كينوپروكاتتىڭ ەڭ تانىمال فيلمدەرىنىڭ توپ-10» جوباسى قازاقستاندىق كينونى ناسيحاتتاۋعا جانە ونىڭ اۋديتورياسىن كەڭەيتۋگە باعىتتالعان. قازاقستاندىق فيلمدەر جەرگىلىكتى كورەرمەندەر اراسىندا دا، شەتەلدە دە ۇلكەن سۇرانىسقا يە بولىپ، ولاردىڭ تانىمالدىلىعى مەن جوعارى ساپاسىن دالەلدەپ وتىر.
اۆتور
ايدار وسپاناليەۆ
