«ۇلتتىق قور - بالالارعا» باعدارلاماسىنا بيىلعى 1-قاڭتاردا 66571 ءوتىنىم ءتۇستى
استانا. KAZINFORM - «ۇلتتىق قور بالالارعا» باعدارلاماسىنا 2025 -جىلدىڭ 1-قاڭتارىندا 66571 ءوتىنىم ءتۇستى. ونىڭ ىشىندە جالپى سوماسى 5 316,7 مىڭ دوللارعا 53001 ءوتىنىم ورىندالدى، دەپ حابارلايدى قارجى مينيسترلىگى.

تۇرعىن ءۇي جاعدايىن جاقسارتۋعا 34388 ءوتىنىم بەرىلدى، ونىڭ ىشىندە 29542 سى ورىندالىپ، 2964 مىڭ دوللارى تولەندى.
ءبىلىم بەرۋ بويىنشا 32183 ءوتىنىم جولدانىپ، ونىڭ ىشىندە 23459 ءوتىنىم قاناعاتتاندىرىلىپ، 2352,7000 دوللار تولەندى.
- بيىل باعدارلاماعا 6921035 بالا قاتىسىپ جاتىر (2007 -جىلدان 2024 -جىلعا دەيىن تۋعان بالالار). ولاردىڭ ىشىندە 324430 ازامات 2025 -جىلى 18 جاسقا تولادى، - دەلىنگەن ۆەدومستۆو اقپاراتىندا.
ءار بالاعا 129,38 دوللار اۋدارىلدى. اۋدارىمدار تۋرالى اقپارات eGov.kz پورتالىندا جانە eGov Mobile ءموبيلدى قوسىمشاسىندا 1 -اقپاندا كورسەتىلەدى.
تولەم تەتىگى بارىنشا قاراپايىم. بالانىڭ باعدارلاماعا قاتىسۋى مەن ەسەپتەلگەن اقشا تۋرالى اقپاراتتى بالانىڭ ج س ن ەنگىزە وتىرىپ، ارنايى قۇرىلعان kids.enpf.kz سايتىنان كورۋگە بولادى. وندا باعدارلامانىڭ شارتتارىمەن تانىسىپ، نۇسقاۋلىقتار، سول سەكىلدى وزەكتى سۇراقتاردىڭ جاۋاپتارىن الا الاسىز. بۇدان بولەك بالاعا ارنالعان اۋدارىمدار تۋرالى دەرەكتەردى eGov.kz پورتالىنداعى جەكە كابينەتكە كىرىپ، سونداي-اق Kaspi.kz, Halyk قوسىمشالارى ارقىلى دا كورۋگە بولادى.
2024 -جىلى اتالعان باعدارلاماعا 6919131 ادام قاتىسىپ (2006-2023 ج. ج. تۋعان بالالاردى قوسا العاندا)، ولاردىڭ ءاربىرىنىڭ شوتىنا 100,52 دوللار جىبەرىلدى. اۋدارىلعان اقشانىڭ جالپى سوماسى - 695,5 ميلليون دوللار. تۇتاستاي العاندا، وسى باعدارلامامەن قامتىلعانداردىڭ جالپى سانىنان 304815 ادام 2024 -جىلى 18 جاسقا تولىپ، ولارعا جالپى سوماسى 30,6 ميلليون دوللار اۋدارىلدى.
- باعدارلاماعا ەكى جىلدان بەرى قاتىسىپ كەلە جاتقان بالالاردىڭ (ينۆەستيتسيالىق كىرىستى قوسا العاندا) جيناقتارىنىڭ جالپى سوماسى 232,94 دوللارعا ۇلعايدى، - دەلىنگەن مينيسترلىك مالىمەتىندە.
جيناقتالعان سومانى كەز كەلگەن جاس ازامات 18 جاسقا تولعاندا پايدالانا الادى. جيناقتار بجزق- داعى شوتتارعا اۋدارىلادى جانە جوبانىڭ رەسوندەنتتەرى ۋاكىلەتتى وپەراتورلاردىڭ (وتباسى بانكى جانە حالىق بانكى) قوسىمشاسى ارقىلى ءوتىنىش بەرە وتىرىپ، ءتيىستى سومانى تۇرعىن ءۇي جاعدايلارىن جاقسارتۋعا جانە (نەمەسە) ءبىلىم الۋعا جۇمساي الادى.
- ۇلتتىق قوردىڭ قاراجاتىن جاس وتانداستارىمىزدى قولداۋ ماقساتىندا پايدالانۋ - ەلىمىزدىڭ ورنىقتى دامۋىنا باعىتتالعان ستراتەگيالىق شەشىم. اتالعان باستاما ءومىر ءسۇرۋ ساپاسىن جاقسارتۋعا وڭ اسەر ەتىپ، كەيىنگى ۇرپاققا بولاشاققا زور سەنىممەن قاراۋعا مۇمكىندىك بەرەدى، - دەلىنگەن حابارلامادا.
وسىعان دەيىن 2024 -جىلى ۇلتتىق قورعا 8,8 تريلليون تەڭگە كىرىس ءتۇسىپ، 5,6 تيلليون تەڭگە الىنعانىن تۋرالى حابارلادىق.