ەلنۇر بەيسەنبايەۆ: حالىقتىڭ ءومىر ءسۇرۋ دەڭگەيىن كوتەرۋ تۋرالى ءسوز ايتۋدىڭ ءوزى - ارتىق
پارلامەنت ءماجىلىسىنىڭ جالپى وتىرىسىندا «2024 - 2026 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى قارالدى. ماجىلىستەگى «AMANAT» پارتياسى فراكسياسىنىڭ جەتەكشىسى ەلنۇر بەيسەنبايەۆ سالىق جانە بيۋدجەت ساياساتىن سىنعا الىپ، ۇكىمەتتىڭ جاۋاپكەرشىلىگى مەن كاسىبيلىگىنە كۇمان كەلتىردى.
جاسىراتىنى جوق، قازىرگى تاڭدا ءبىز بيۋدجەت ساياساتى بويىنشا ەلەۋلى سىن-قاتەرلەرمەن بەتپە-بەت كەلىپ وتىرمىز. بىرىنشىدەن، ول - بيۋدجەتتىڭ تەڭگەرىمسىزدىگى. بيۋدجەت قاراجاتىنىڭ باسىم بولىگى، ياعني %92 ى مىندەتتى شىعىستاردى جابۋعا باعىتتالعانى بەلگىلى. بۇل - ەلىمىزدى دامىتۋعا، ياعني بولاشاققا سالىناتىن ينۆەستيسياعا نەبارى 8 اق پايىز عانا قالادى دەگەن ءسوز. مۇنداي جاعدايدا سەرپىندى دامۋ، حالىقتىڭ ءومىر ءسۇرۋ دەڭگەيىن كوتەرۋ تۋرالى ءسوز ايتۋدىڭ ءوزى ارتىق، - دەدى ول.
ەكىنشىدەن، بيۋدجەت تاپشىلىعىن جابۋ ءۇشىن ۇلتتىق قوردان قاراجات الۋ 2024 -جىلى ەڭ شەكتى دەڭگەيگە جەتتى. بيىل بيۋدجەتتىڭ كىرىس بولىگى نەبارى 13,1 تريلليون تەڭگەنى قۇرادى. ياعني بيۋدجەتكە 3 تريلليون تەڭگە كولەمىندە جوسپارلانعان سالىقتىق تۇسىمدەر تۇسپەدى.
دۇرىس جوسپارلاماۋ سالدارىنان ءۇش تريلليون تەڭگەنىڭ جەتپەۋى - سالىق جانە بيۋدجەتتىك ساياساتتىڭ كۇيرەگەنى دەگەن ءسوز ەمەس پە؟! دەمەك، ۇكىمەت بيۋدجەتكە ناقتى سالىقتىق تۇسىممەن قامتاماسىز ەتىلمەگەن كىرىستى سالىپ وتىر. مۇنى ءبىز ۇكىمەتتىڭ ەكونوميكالىق بلوگىنىڭ جەتكىلىكتى دەڭگەيدە جاۋاپكەرشىلىك پەن كاسىبيلىك تانىتا الماۋى دەپ ەسەپتەيمىز. پرەزيدەنتتىڭ قاتاڭ ەسكەرتۋىنە قاراماستان، ۇكىمەت بيۋدجەت تاپشىلىعىن جابۋ ءۇشىن ۇلتتىق قوردان 5,6 تريلليون تەڭگە، بۇعان قوسا، «قازاتومپروم» ارقىلى تاعى 1 تريلليون تەڭگەنى بيۋدجەت ەسەبىنە الدى. مۇنىڭ بارلىعى - ۇلتتىق قوردىڭ قاراجاتى، - دەدى ەلنۇر بەيسەنبايەۆ.
سونىمەن، بيىل ۇلتتىق قوردان 6,6 تريلليون، ال كەلەسى جىلى تاعى 5,3 تريلليون تەڭگە الىنادى. بۇل - شامامەن 24 ميلليارد ا ق ش دوللارىنا پارا-پار. ول - جالپى ۇلتتىق قور كولەمىنىڭ ۇشتەن بىرىنە تەڭ سوما.
مۇنىڭ سوڭى قورداعى اكتيۆتەردىڭ ازايۋىنا ۇشىراتادى. ارىپتەستەر، بولاشاق ۇرپاقتىڭ نەسىبەسىنە قول سۇعۋدى دوعارۋ كەرەك. قازىر ونى ەلىمىزدىڭ بارلىق اتا-انالارى مەن بالالارى قاداعالاپ وتىر. ۇلتتىق قورعا ارقا سۇيەۋدىڭ دە شەگى بار. پرەزيدەنت ايتقانداي، «ۇلتتىق قور - بالالارعا!» - دەدى دەپۋتات.
