ەلدىڭ سولتۇستىگى مەن شىعىسىندا اۋا تەمپەراتۋراسى تومەندەيدى - قازگيدرومەت

استانا. KAZINFORM - قازاقستانعا بەلسەندى سيكلوندار كەلە جاتىر، اتموسفەرالىق اعىندار جىلجۋىن جالعاستىرىپ، كۇن قۇبىلمالى بولادى، دەپ حابارلايدى «قازگيدرومەت».

كاسىپورىننىڭ دەرەكتەرىنە قاراعاندا، الداعى كۇندەرى ەل اۋماعىنا فرونتالدى بەلسەندىلىكتىڭ كەزەكتى تولقىنى اسەر ەتەدى، جاۋىن-شاشىن جاۋىپ، نايزاعاي وينايدى.

قازاقستاننىڭ باتىسىندا، سولتۇستىگىندە، 19-20 -ماۋسىمدا سولتۇستىك-باتىسىندا قاتتى جاڭبىر جاۋىپ، كەي جەرلەردە بۇرشاق ءتۇسۋى مۇمكىن.

سولتۇستىك جانە شىعىس ايماقتاردا كۇندىزگى ۋاقىتتا ىستىقتىڭ بىرتىندەپ باسىلۋى كۇتىلەدى - اۋا تەمپەراتۋراسى 20…28 °C دەيىن تومەندەپ، جايلى بولادى.