ەلدىڭ 20 قالاسى 5G ينتەرنەت جەلىسىمەن قامتىلدى

5G to be available for over 8mln Kazakhstanis in 2025
Photo credit: Midjourneys

الماتى. KAZINFORM -  فورۋمىنىڭ پلەنارلىق وتىرىسىندا ق ر پرەمەر- ءمينيسترى ءاليحان سمايىلوۆ وڭىردەگى ينتەرنەتتىڭ ساپاسىن جاقسارتۋ ماسەلەسىن قوزعادى. ۇكىمەت باسشىسى بىلتىر قازاقستاندا «قولجەتىمدى ينتەرنەت» ۇلتتىق جوباسى قابىلدانعانىن جەتكىزدى.

«ەلىمىزدىڭ 20 قالاسىنا 5G ينتەرنەت جەلىسى ىسكە قوسىلدى. ونى قازىر 2 ميلليوننان استام ادام پايدالانادى. «قولجەتىمدى ينتەرنەت» ۇلتتىق جوباسىنىڭ باستى ەرەكشەلىگى - 2027-جىلعا دەيىن ەلىمىزدى 100 پايىز قامتۋ. سونداي-اق بيىل ەكى مىڭ شالعايداعى اۋىل مەكتەبىن جوعارى جىلدامدىقتى ينتەرنەتپەن قامتاماسىز ەتەمىز. كەلەسى جىلى 8 ميلليوننان استام ادام 5G ينتەرنەت جەلىسىن قولداناتىن بولادى»، - دەدى ءاليحان سمايىلوۆ.

«سيفرلىق قازاقستان» باعدارلاماسىنداعى نەگىزگى باعىتتاردىڭ ءبىرى - «سيفرلىق جىبەك جولى».

«قازاقستان سيفرلىق الەمدە جاڭا جىبەك جولىنىڭ نەگىزگى قاتىسۋشىسى بولۋعا ۇمتىلۋدا. كورشىلەرىمىزبەن بىرگە ءبىز كاسپيي تۇبىندەگى تالشىقتى-وپتيكالىق بايلانىس جەلىلەرى ارقىلى پارسى شىعاناعى ەلدەرىنە وپتيكالىق قولجەتىمدىلىكتى قامتاماسىز ەتۋ نۇسقالارىن قاراستىرىپ جاتىرمىز»، - دەپ اتاپ ءوتتى ۇكىمەت باسشىسى.

ەسكە سالايىق، الماتىدا ەۋرازيالىق ۇكىمەتارالىق كەڭەس مۇشەلەرىنىڭ پلەنارلىق وتىرىسى ءوتىپ جاتىر.

سوڭعى جاڭالىقتار