كيىك ءمۇيىزىن ەكسپورتتاۋ: ساۋدا ليميتى قانشا

- 2025 -جىلعى جەلتوقساندا قازاقستان رەسپۋبليكاسى CITES كونۆەنسياسىنان كيىك مۇيىزدەرىن ەكسپورتقا ءۇش جىل بويى، جالپى ليميتى 30 توننا كولەمىندە ساۋدالاۋعا رۇقسات الدى. بۇل شەكتەۋ ەكسپورتقا قاتىستى، الايدا ەل ىشىندەگى اينالىم مەن قايتا وڭدەۋگە شەكتەۋ قويمايدى. اتالعان رۇقسات 2026 -جىلعى 5 -ناۋرىزدا كۇشىنە ەندى.

قازاقستانعا كيىكتىڭ ءبۇتىن مۇيىزدەرىن تەك مەملەكەتتىك قورلاردان عانا حالىقارالىق ساۋدالاۋعا رۇقسات ەتىلگەن. بۇل رەتتە ولاردى مىندەتتى تۇردە تاڭبالاۋ جانە سيفرلىق قاداعالانۋىن قامتاماسىز ەتۋ، سونداي-اق CITES حاتشىلىعىنا ساتىپ الۋشىلاردىڭ قويمالارىنداعى ءونىم قالدىقتارى تۋرالى اقپارات بەرۋ مىندەتتەمەسى جۇكتەلەدى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ايتا كەتەيىك، كيىكتەردىڭ بارلىق ءمۇيىزى ەسكەرىلىپ، تاڭبالانىپ، مينيسترلىككە ۆەدومستۆولىق باعىنىستى «وحوتزووپروم» ءو ب» ر م ق ك ۇيىمىندا كۇشەيتىلگەن كۇزەت جانە مامانداندىرىلعان ينفراقۇرىلىم جاعدايلارىندا ساقتالاتىنى ءمالىم.

- كيىك پوپۋلياتسياسىن باسقارۋ كەزەڭىندە بارلىعى 232157 كيىك ءمۇيىزى تاڭبالانىپ، ولار «وحوتزووپروم» ءو ب» ر م ق ك- دا ساقتاۋعا قويىلعان، - دەپ ناقتىلادى ۆەدومستۆو.

بۇدان بۇرىن حابارلانعانداي، كيىك ساناعىنىڭ ناتيجەسى جازدا شىعادى.

ەسكە سالساق، بىلتىر جەلتوقسان ايىندا قازاقستان كيىك ءمۇيىزىن ەكسپورتتايتىنى ءمالىم بولدى.

ال بيىل ناۋرىز ايىندا ەكولوگيا جانە تابيعي رەسۋرستار ءمينيسترى ەرلان نىسانبايەۆ ودان تۇسكەن قاراجات قاي ماقساتتا جۇمسالاتىنىن ايتتى. اقشا بيوالۋان تۇرلىلىكتى ساقتاۋعا، كيىكتەردى قورعاۋعا، شارۋاشىلىقتاردى ماتەريالدىق- تەحنيكالىق قامتاماسىز ەتۋگە جۇمسالادى.

بۇل رەتتە ساۋدا مينيسترلىگىمەن بىرگە ەكسپورت جۇيەسى پىسىقتالىپ جاتىر.