ۇكىمەت وتىرىسى: ولجاس بەكتەنوۆ جاڭا ورىنباسارىنا ساتتىلىك تىلەدى
استانا. KAZINFORM - بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ بۇرىنعى ورىنباسارى رومان سكليارعا العىس ايتتى.
- وزدەرىڭىز بىلەتىندەي، مەملەكەت باسشىسىنىڭ جارلىعىمەن رومان ۆاسيليەۆيچ سكليار قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى. ۇكىمەت اتىنان رومان ۆاسيليەۆيچكە ۇكىمەت قۇرامىندا ناتيجەلى بىرلەسكەن جۇمىسى ءۇشىن العىسىمدى ايتامىن جانە جاڭا جاۋاپتى قىزمەتتە تابىس تىلەيمىن،-دەدى پرەمەر-مينيستر.
سونىمەن قاتار و. بەكتەنوۆ پرەزيدەنت جارلىعىمەن نۇرلىبەك ماشبەك ۇلى نالىبايەۆ قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى بولىپ تاعايىندالعانىن ەسكە سالدى.
- نۇرلىبەك ماشبەك ۇلى، جاڭا قىزمەتىڭىزدە ساتتىلىك تىلەيمىز. مەملەكەت باسشىسىنىڭ سەنىمىن تولىق اقتايسىز دەپ سەنەمىن،-دەدى ۇكىمەت باسشىسى.
ەسكە سالساق، بيىل 5-مامىردا رومان سكليار قر پرەزيدەنتى اكىمشىلىگىنىڭ باسشىسى بولىپ تاعايىندالدى.
