ۇكىمەت جاڭا قۇرام جاساقتالعانشا ءوز مىندەتىن اتقارادى

جارلىققا سايكەس، جاڭادان سايلانعان قازاقستان رەسپۋبليكاسى قۇرىلتايىنىڭ الدىندا ۇكىمەتتىڭ وكىلەتتىگىن دوعارۋىنا بايلانىستى قازىرگى ۇكىمەت جاڭا قۇرام بەكىتىلگەنگە دەيىن ءوز مىندەتتەرىن اتقارا بەرەدى.

- قازاقستان رەسپۋبليكاسى كونستيتۋتسياسىنىڭ 69-بابىنىڭ 1-تارماعىنا، «قازاقستان رەسپۋبليكاسىنىڭ ۇكىمەتى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 4-بابىنا سايكەس جاڭادان سايلانعان قازاقستان رەسپۋبليكاسى قۇرىلتايىنىڭ الدىندا قازاقستان رەسپۋبليكاسى ۇكىمەتىنىڭ وكىلەتتىگىن دوعارۋىنا بايلانىستى قاۋلى ەتەمىن:

قازاقستان رەسپۋبليكاسى ۇكىمەتىنىڭ جاڭا قۇرامى بەكىتىلگەنگە دەيىن قازاقستان رەسپۋبليكاسىنىڭ ۇكىمەتى ءوز مىندەتتەرىن اتقاراتىن بولسىن،-دەلىنگەن قۇجاتتا.

جارلىق قول قويىلعان كۇنىنەن باستاپ كۇشىنە ەندى.

ايتا كەتەيىك، ءبىرىنشى شاقىرىلىمداعى قۇرىلتايدىڭ ءبىرىنشى سەسسياسى ءوتىپ جاتىر.