ۇكىمەتتىڭ 100 جاڭا پوليگون سالۋ جوسپارى قالاي ورىندالىپ جاتىر

استانا. قازاقپارات - 2024-جىلدىڭ قورىتىندىسى بويىنشا ەلىمىزدە 2973 پوليگون بولعان، الايدا ولاردىڭ %20 ىندا عانا (608) قاجەتتى رۇقسات قۇجاتتارى بار. بۇل تۋرالى ق ر ەكولوگيا جانە تابيعي رەسۋرستار ۆيتسە-ءمينيسترى مانسۇر وشۋربايەۆ ايتىپ بەردى.

- ولقىلىقتى تۇزەتۋ ءۇشىن ۇكىمەت 2023-جىلى 100 جاڭا پوليگون سالۋ، جۇمىس ىستەپ تۇرعان 8 پوليگوندى كەڭەيتۋ جانە 5 پوليگوندى رەكۋلتيۆاتسيلاۋ جونىندەگى كەشەندى جوسپاردى بەكىتتى. بۇگىنگى تاڭدا اكىمدىكتەر 7 جاڭا نىسان سالىپ، پايدالانۋعا بەردى، ولار قوستاناي وبلىسىنىڭ ليساكوۆسك قالاسىندا، اقتوبە وبلىسىنداعى مارتوك، قوبدا جانە قاراۋلكەلدى اۋداندارىندا، قاراعاندى وبلىسى اباي قالاسىندا، ماڭعىستاۋ وبلىسىنىڭ ءتۇپقاراعان اۋدانىندا جانە قىزىلوردا وبلىسىنىڭ سىرداريا اۋدانىندا، - دەدى م. وشۋربايەۆ پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە.

سونىمەن بىرگە، 23 پوليگون بويىنشا جوبالىق قۇجاتتامانى ازىرلەۋ اياقتالدى جانە تاعى 18 جوبا ازىرلەنىپ جاتىر.

وعان قوسا، مينيسترلىك 11 وڭىردە 43 پوليگون قۇرىلىسىنا قاراجات ءبولۋ ماسەلەسىن پىسىقتاۋدا، ونىڭ بولجامدى جالپى قۇنى - 53 ميلليارد تەڭگە.

ەسكە سالا كەتسەك، «تازا قازاقستان» اكسياسى اياسىندا وتكەن جىلدان بەرى ەل بويىنشا 1,4 ميلليون توننا قالدىق جينالىپ، 2,4 ميلليون اعاش وتىرعىزىلدى. اكسياعا شامامەن 9 ميلليون ادام قاتىسقان، ونىڭ ىشىندە 450 مىڭ ەرىكتى بار.