ۇكىمەتتە ساتبايەۆ كانالىنان استاناعا دەيىن سۋ قۇبىرىن سالۋ جوباسى تالقىلاندى
استانا. KAZINFORM - پرەمەر-ءمينيستردىڭ ءبىرىنشى ورىنباسارى رومان سكليار China Gezhouba Group باسشىلىعىمەن كەزدەسۋ وتكىزدى. بۇل تۋرالى ۇكىمەتتىڭ باسپا ءسوز قىزمەتى حابارلادى.
ۇكىمەتتە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكليار مەن استانا قالاسىنىڭ اكىمى جەڭىس قاسىمبەك China Gezhouba Group (ق ح ر) باسقارما ءتوراعاسى ليۋ حۋايليانمەن كەزدەستى. تاراپتار ق. ي. ساتبايەۆ اتىنداعى كانالدان استانا قالاسىنا دەيىن سۋ قۇبىرىن سالۋ جوباسىن تالقىلادى.
- ۇزىندىعى شامامەن 200 ك م سۋ قۇبىرىنان باسقا، جوبانى ىسكە اسىرۋ ونىمدىلىگى تاۋلىگىنە 342 مىڭ تەكشە مەتر ءۇش سۋ قۇبىرى سورعى ستانساسىن جانە ونىمدىلىگى تاۋلىگىنە 210 مىڭ تەكشە مەتر بولاتىن 4-سورعى-سۇزگى ستانساسىن سالۋدى كوزدەيدى. ليۋ حۋايليان قۇرىلىس-مونتاج جۇمىستارى بيىلعى ءساۋىر ايىندا باستالاتىنىن راستادى، - دەلىنگەن حابارلامادا.
كەزدەسۋ بارىسىندا رومان سكليار ينفراقۇرىلىمدىق جوبانىڭ تۇرعىنداردى تازا سۋمەن ۇزدىكسىز قامتاماسىز ەتۋدەگى الەۋمەتتىك ماڭىزدىلىعىن ايماقتى دامىتۋ، تۇرمىس ساپاسىن جاقسارتۋ جانە تۇراقتى ەكونوميكالىق وسۋگە نەگىز بولاتىنىن اتاپ ءوتتى.
كەزدەسۋ سوڭىندا تاراپتار جوبانى ىسكە اسىرۋ جانە ىنتىماقتاستىقتى ودان ءارى نىعايتۋ بويىنشا بەلسەندى جۇمىستى جالعاستىرۋعا كەلىستى.
ايتا كەتەلىك بۇگىن ۇكىمەت شۋچە-بۋراباي كۋرورتتىق ايماعىن دامىتۋدىڭ 2029-جىلعا دەيىنگى جوسپارىن بەكىتكەن ەدى.
