ۇكىمەت «جايلى مەكتەپتەردى» قالاي باسقارماق
استانا. KAZINFORM - مەملەكەت باسشىسى حالىققا جولداۋىندا «جايلى مەكتەپ» ۇلتتىق جوباسى اياسىندا سالىنعان مەكتەپتەردى باسقارۋدىڭ ءتيىمدى جۇيەسىن قۇرۋدى تاپسىردى، دەپ حابارلايدى ۇكىمەتتىڭ باسپا ءسوز قىزمەتى.
وقۋ-اعارتۋمينيسترلىگى، ءبىلىم سالاسىنداعى ساراپشىلاردىڭ قاتىسۋىمەن ءبىرقاتار ۇسىنىس ازىرلەدى. ولار ۇكىمەتتە ۇيىمداستىرىلعان كەڭەس كەزىندە تالقىلاندى.
وعان ق ر پرەمەر-ءمينيسترىنىڭ ورىنباسارى تامارا دۇيسەنوۆا، ق ر پرەزيدەنتىنىڭ ىشكى ساياسات ماسەلەلەر جانە كوممۋنيكاتسيالار جونىندەگى كومەكشىسى رۋسلان جەلدىباي، وقۋ-اعارتۋ ءمينيسترى عاني بەيسەمبايەۆ، سونداي-اق ءبىلىم سالاسىنىڭ ساراپشىلارى مەن وكىلدەرى قاتىستى.
بۇگىندە ەلىمىزدە ۇلتتىق جوبا اياسىندا سالىنعان 28 مەكتەپ جۇمىسىن باستادى. كەلەر جىلدىڭ سوڭىنا دەيىن بارلىعى 217 نىسان پايدالانۋعا بەرىلەدى دەپ جوسپارلانعان.
سالالىق مينيسترلىك پەن ءبىلىم بەرۋ سالاسىنىڭ ساراپشىلارى جايلى مەكتەپتەردى باسقارۋدىڭ بىرنەشە مودەلىن ۇسىندى. وندا ءبىلىم وشاقتارى جۇمىسىنىڭ مازمۇنىنا باسا ءمان بەرىلدى. سوندىقتان وقۋ باعدارلامالارى، وقىتۋ ادىستەمەلەرى، ءبىلىم جانە ۇستازدار دايىندىعىنىڭ دەڭگەيىن باعالاۋدا نازاربايەۆ زياتكەرلىك مەكتەپتەرى، ءبىلىم- يننوۆاتسيا ليتسەيلەرى، رەسپۋبليكالىق فيزيكا- ماتەماتيكا مەكتەپتەرى، بينوم جەلىسى سەكىلدى ەلدەگى الدىڭعى قاتارلى كەيستەردى پايدالانۋ ۇسىنىلۋدا.
تامارا دۇيسەنوۆا الداعى ۋاقىتتا جايلى مەكتەپتەر ءوز مۇمكىندىكتەرىن پايدالانا وتىرىپ، وزگە ورتا ءبىلىم بەرۋ مەكەمەلەرىنە ۇزدىك تاجىريبەلەردى تاراتۋداعى تىرەك مەكتەپتەر بولۋى ءتيىس ەكەنىن اتاپ ءوتتى.
رۋسلان جەلدىباي كەڭەس بارىسىندا ايتىلعان ۇسىنىستار وڭتايلى ءارى ءتيىمدى شەشىم قابىلداۋ ءۇشىن مۇقيات قاراستىرىلاتىنىن جەتكىزدى.
وسىعان دەيىن اقمولا وبلىسىنداعى ەكى اۋىلدا جايلى مەكتەپ اشىلعانىن جازدىق.
