ۇكىمەت اپپاراتى «تازا قازاقستان» ەكولوگيالىق باستاماسى اياسىندا سەنبىلىككە قاتىستى
استانا. KAZINFORM - پرەمەر-مينيستر ولجاس بەكتەنوۆ باستاعان ۇكىمەت اپپاراتىنىڭ قىزمەتكەرلەرى مەملەكەت باسشىسى جاريالاعان «تازا قازاقستان» ەكولوگيالىق باستاماسى اياسىندا سەنبىلىككە قاتىستى.
ۇكىمەتتىڭ باسپا ءسوز قىزمەتى حابارلاعانداي، جالپى اۋدانى 68,5 مىڭ شارشى مەتردەن اساتىن EXPO ساياباق ايماعىنىڭ اۋماعىندا قاراعاي، قايىڭ جانە باسقا دا اعاش تۇرلەرىنىڭ كوشەتتەرى وتىرعىزىلدى. كورمە الاڭىن كوگالداندىرۋ جۇمىستارىنىڭ ناتيجەسىندە جالپى كولەمى 9,2 مىڭ اعاش، 25,5 مىڭ كوپجىلدىق بۇتا وتىرعىزىلعان.
«تازا قازاقستان» اياسىندا «بۇكىل قازاقستاندىق اعاش ەگۋ كۇنى» ەكولوگيالىق اكتسياسى وتۋدە. ءبىر اپتا ىشىندە بارلىق وڭىرلەردە 200-گە جۋىق ەكولوگيالىق ءىس- شارا ءوتتى.
قوعامدىق كەڭىستىكتەردى تازارتۋ جانە اعاش وتىرعىزۋ بويىنشا اكسيالار ۇيىمداستىرىلدى، 5 مىڭنان استام تاريحي- مادەني مۇرا نىساندارى رەتكە كەلتىرىلدى، وزەندەر، كولدەر جانە باسقا دا سۋ ايدىندارىنىڭ اينالاسىنداعى 5,8 ميليون شارشى مەتردەن استام اۋماق تازارتىلدى.
جالپى بيىل ەكولوگيا جانە تابيعي رەسۋرستار مينيسترلىگى وڭىرلەرگە 300 مىڭنان استام كوشەت جىبەردى. 2024 -جىلى قالالىق ورتا مەن ەكولوگيا سالاسىنداعى ماسەلەلەردى شەشۋگە ءوتىنىم بەرۋدى جەڭىلدەتۋ ءۇشىن @TazaQazBot چات-بوتى جۇمىس ىستەيدى.
«تازا قازاقستان» باستاماسى ىسكە قوسىلعان ساتتەن باستاپ وعان 6 ميلليوننان استام ادام قاتىستى. ءبىر جىل ىشىندە شامامەن 1,6 ميلليون جاسىل جەلەك وتىرعىزىلىپ، 5,8 ميلليون شارشى مەتردەن استام جاعالاۋ ايماقتارى رەتكە كەلتىرىلدى، 1,1 ميلليون توننا قوقىس جينالدى.
