كىنالى تۇلعالار جاۋاپكەرشىلىكتەن جالتارمايدى - قورعانىس ءمينيسترى
استانا. KAZINFORM - قورعانىس ءمينيسترى، اۆياتسيا گەنەرال-لەيتەنانتى داۋرەن قوسانوۆ كاسپيدەگى قايعىلى وقيعا سالدارىنان قازا تاپقان اسكەري قىزمەتشىلەردىڭ تۋعان-تۋىستارى مەن جاقىندارىنا كوڭىل ايتتى.
ءمينيستردىڭ ايتۋىنشا، قازا تاپقانداردىڭ وتباسىلارىمەن تۇراقتى بايلانىس ورناتىلىپ، ولارعا قاجەتتى كومەك پەن قولداۋ كورسەتىلىپ جاتىر.
- ءبىز قازا تاپقانداردىڭ وتباسىلارىمەن تۇراقتى بايلانىستامىز جانە ولارعا بارلىق قاجەتتى كومەك پەن قولداۋ كورسەتىپ جاتىرمىز، - دەدى داۋرەن قوسانوۆ.
قازىرگى ۋاقىتتا وقيعانىڭ بارلىق ءمان-جايى مەن سەبەپتەرى انىقتالىپ جاتىر. مينيستر كىنالى تۇلعالاردىڭ زاڭعا سايكەس جاۋاپقا تارتىلاتىنىن اتاپ ءوتتى.
- كىنالىلەر زاڭعا سايكەس جاۋاپقا تارتىلادى، - دەدى قورعانىس ءمينيسترى.
