كوستەنكو اتىنداعى شاحتادا بولعان وقيعالاردى تەرگەۋ جالعاسىپ جاتىر - باس پروكۋراتۋرا

 Костенко атындағы шахтада болған оқиғаларды тергеу жалғасып жатыр – Бас прокуратура
Фото: Фото: Руслан Ғаббасов/Kazinform

ۆەدومستۆوارالىق جەدەل-تەرگەۋ توبى «ارسەلورميتتال تەمىرتاۋ» ا ق كوستەنكو اتىنداعى شاحتاسىندا بولعان وقيعالاردى تەرگەۋدى جالعاستىرىپ جاتىر.

بۇل تۋرالى باس پروكۋراتۋرا مالىمدەدى، دەپ حابارلايدى Kazinform.

جەرگىلىكتى ورىندا ۇيلەستىرۋدى باس پروكۋروردىڭ ءبىرىنشى ورىنباسارى جۇزەگە اسىرىپ جاتىر. گاز-مەتان قوسپاسىنىڭ جارىلۋىنىڭ سەبەبىن انىقتاۋ ماقساتىندا شاحتاعا ءتۇسۋ ارقىلى وقيعا ورنىن العاشقى تەكسەرۋ جۇرگىزىلدى.

اۋىسىم قىزمەتكەرلەرىنەن، «ا م ت» كومىر دەپارتامەنتىنىڭ باسشىلارى مەن جاۋاپتى قىزمەتكەرلەرىنەن جاۋاپ الىندى. ءبىرقاتار سوت ساراپتامالارى، ونىڭ ىشىندە جارىلىس-تەحنيكالىق، بيولوگيالىق، گەنومدىق-مولەكۋلالىق جانە ت. ب. تاعايىندالدى. كەنشىلەر ەڭبەگىنىڭ قورعالۋىنىڭ ماتەريالدىق قامتاماسىز ەتىلۋ تالاپتارىنا سايكەستىگىن تەكسەرۋ جانە قورىتىندى بەرۋ ءۇشىن مەملەكەتتىك اۋديت ماماندارى مەن باسقا دا ساراپشىلار تارتىلدى.

شاحتادا جۇمىستاردى ۇيىمداستىرۋعا جانە قاۋىپسىزدىك تەحنيكاسىن قامتاماسىز ەتۋگە ارنالعان قۇجاتتار الىنىپ، تالداۋ جۇرگىزىلىپ جاتىر. وزگە دە قاجەتتى ءىس-شارالار وتكىزىلۋدە. كىنالى تۇلعالاردىڭ ءىس-ارەكەتتەرىنە ءتيىستى قۇقىقتىق باعا بەرىلەتىن بولادى. زارداپ شەككەندەر مەن تۋىستارىنىڭ قاتىسۋىمەن وتكىزىلەتىن تەرگەۋ ارەكەتتەرى ولاردىڭ دەنساۋلىق جاعدايى جانە جەرلەۋ راسىمدەرىن وتكىزۋ قاجەتتىلىگىن ەسكەرە وتىرىپ جۇرگىزىلەتىن بولادى.

تەرگەۋ جالعاسىپ جاتىر. قىلمىستىق ءىس باس پروكۋروردىڭ باقىلاۋىندا. وزگە اقپارات قازاقستان رەسپۋبليكاسى قىلمىستىق پروتسەستىك كودەكسىنىڭ 201-بابىنا سايكەس جاريا ەتۋگە جاتپايدى.

سوڭعى جاڭالىقتار