كورەيا پرەزيدەنتىنىڭ مىندەتىن اتقارۋشىعا يمپيچمەنت جاريالاۋ داۋىسقا سالىنادى

استانا. قازاقپارات- وڭتۇستىك كورەيا پارلامەنتى پرەزيدەنتتىڭ مىندەتىن اتقارۋشى جانە پرەمەر-مينيستر حان دوك سۋعا يمپيچمەنت جاريالاۋ ماسەلەسىن قاراپ جاتىر.

ۇسىنىستى ەلدەگى نەگىزگى دەموكراتيالىق پارتيا ەنگىزدى. ويتكەنى حان داك سۋ كونستيتۋتسيالىق سوتقا ۇسىنىلعان 3 سۋديانى بەكىتۋدەن باس تارتقان. ولار باسقا 3 سوتقا قوسىلىپ، يمپيچمەنت نەگىزىندە ورنىنان الاستاتىلعان يۋن سوك يەلگە قاتىستى تەرگەۋ جۇرگىزۋى كەرەك بولاتىن.

ءىس بويىنشا باستاپقى تىڭداۋ ەرتەڭ وتۋگە ءتيىس. ەگەر كونستيتۋتسيالىق سوت پرەزيدەنتتى بيلىكتەن ايىرۋ كەرەك دەگەن شەشىم قابىلداسا، 60 كۇن ىشىندە كەزەكتەن تىس پرەزيدەنت سايلاۋىن وتكىزۋ قاجەت.

يۋن سوك يەل قىزمەتىن اسىرا پايدالاندى جانە بۇلىك شىعاردى دەگەن كۇدىككە ىلىنگەن. 14-جەلتوقساندا پارلامەنت وعان يمپيچمەنت جاريالادى. ونىڭ وكىلەتتىگى ۋاقىتشا توقتاتىلعان.

پارك چان-دە، كورەيا دەموكراتيالىق پارتياسىنىڭ كوشباسشىسى:

- پرەمەر-مينيستر حان داك سۋ كونستيتۋتسيالىق سوتتىڭ سۋدياسىن تاعايىندامايتىنىن رەسمي تۇردە مالىمدەدى. نەگىزى بۇل ونىڭ كونستيتۋتسيالىق مىندەتى بولاتىن. ول ءوزىن بيلىكتىڭ ەمەس، وپاسىزدىقتىڭ وكىلى رەتىندە كورسەتىپ وتىر. پرەمەر-مينيستر حان داك سۋدىڭ پرەزيدەنت مىندەتىن اتقارۋشى رەتىندە بىلىكتىلىگى نەمەسە كونستيتۋتسيانى قورعاۋعا ەرىك-جىگەرى جوق ەكەنى بەلگىلى بولدى. دەموكراتيالىق پارتيا پرەمەر-مينيستر حان داك سۋعا يمپيچمەنت جاريالاۋ تۋرالى ۇسىنىس بەردى.

24.kz