كولىك مينيسترلىگى توتەنشە جاعداي كەزىندە سالادا قانداي شارالاردى قولعا الدى

استانا. KAZINFORM - ەلىمىزدىڭ كولىك سالاسىنىڭ ماماندارى تابيعي اپاتتان زارداپ شەككەندەرگە كومەك كورسەتۋ جانە سۋ تاسقىنىنىڭ سالدارلارىمەن كۇرەسۋ ماقساتىندا جەدەل شارالاردى قولعا الدى. كولىكتىڭ بارلىق ءتۇرىنىڭ ءىس-قيمىلىن ۇيلەستىرۋ ءۇشىن جەدەل شتاب قۇرىلىپ، جولاۋشىلاردى، ءتۇرلى تەحنيكانى، گۋمانيتارلىق جۇكتەردى تاسىمالداۋ بويىنشا جۇمىستار ۇيىمداستىرىلدى.

اۆتوجول

* سۋ تاسقىنى كەزەڭىندە جول قىزمەتى ورتالىق جانە جەرگىلىكتى دەڭگەيلەردە جەدەل شتاب قۇرۋمەن كۇشەيتىلگەن جۇمىس رەجيمىنە اۋىستىرىلدى.

* جولشىلار تاۋلىك ىشىندە 4 كوپىردە قالپىنا كەلتىرۋ جۇمىستارىن جۇرگىزدى، ءوز كۇشتەرىمەن 33 ك م جولدىڭ قوزعالىسى قالپىنا كەلتىرىلدى. 

* سولتۇستىك، باتىس وڭىرلەرگە ەلىمىزدىڭ 15 وڭىرىنەن مىڭنان استام جولشى مەن 1,5 مىڭ بىرلىك جول-قۇرىلىس تەحنيكاسى جۇمىلدىرىلدى.

* جول قىزمەتتەرى ەرىگەن سۋدى وتكىزۋ ءۇشىن 4 وبلىستا 9 ۋچاسكەدە جولدى جاساندى تۇردە بۇزۋ بويىنشا ءماجبۇرلى شارالار قابىلدادى.

اۆياتسيا

* قازاقستاندىق اۋە كومپانيالارى 51 قوسىمشا رەيس ورىنداپ، اتىراۋ قالاسىنان 9 مىڭنان استام جولاۋشى تاسىمالدادى.

* 12-ساۋىردەن 20 ساۋىرگە دەيىن تاسىمالداۋشىلار اتىراۋ قالاسىنان جالپى سىيىمدىلىعى 14217 ورىندىق 76 قوسىمشا رەيس جوسپارلاعان.

* قازاقستاندىق اۆياكومپانيالار 1,1 ميلليارد تەڭگە گۋمانيتارلىق كومەك ءبولدى، اۋە كومپانيالار 100 توننادان استام گۋمانيتارلىق جۇك جەتكىزدى.

* اتىراۋ- استانا جانە اتىراۋ- الماتى مارشرۋتتارىندا ەكونوم- كلاسس بيلەتتەرىنىڭ ەڭ جوعارى قۇنى 40 مىڭ تەڭگەگە دەيىن (بالالارعا ارنالعان بيلەتتەر وسى تاريفتەن %50 جەڭىلدىكپەن) تومەندەتىلدى.

تەمىرجول كولىگى

* ەۆاكۋاتسيا كەزەڭىندە «اتىراۋ- قۇلسارى- ماڭعىستاۋ» باعىتتارى بويىنشا 12,5 مىڭ جولاۋشى تەگىن تاسىمالداندى، قوسىمشا 14 جولاۋشى ۆاگونى ءبولىندى.

• سۇرانىستىڭ ارتۋىنا بايلانىستى باتىس وڭىرلەردەن قىزىلوردا، قاراعاندى، الماتى جانە استانا باعىتىندا قوسىمشا مارشرۋتتار مەن تىركەمە ۆاگوندار ۇيىمداستىرىلدى، 4,5 مىڭ جولاۋشى تاسىمالداندى.

* 500 بالانى ەمدەۋ-ساۋىقتىرۋ ورتالىقتارى مەن لاگەرلەرگە تاسىمالداۋ قامتاماسىز ەتىلەدى.

* جۇكتەردى جوعارى جىلدامدىقپەن جانە تەگىن نەگىزدە جەتكىزگەن مىڭنان استام اۋىر تەحنيكانى تاسىمالداۋ ءۇشىن 700 گە جۋىق تەمىرجول پلاتفورماسى ءبولىندى. حالىققا كومەك كورسەتۋ ءۇشىن ق ر ت ج م جەكە قۇرامىنىڭ 4,5 مىڭعا جۋىق ادامى تاسىمالداندى.

* ينەرتتى ماتەريالداردى تاسىمالداۋ، پونتوندىق (قۇراما) كوپىرلەردى سولتۇستىك- باتىس وڭىرلەرگە قالپىنا كەلتىرۋ جۇمىستارىنا جەتكىزۋ جالعاسۋدا.

اۆتوكولىك

«قۇلسارى- دوسسور» رەسپۋبليكالىق تراسساسى ۋچاسكەسىن سۋ باسۋىنا بايلانىستى وزبەك تاراپىمەن قۇلسارى ماڭىندا تۇرىپ قالعان فۋرلاردى وتكىزۋ تۋرالى كەلىسسوزدەر جۇرگىزىلدى. ماڭعىستاۋ جانە تۇركىستان وبلىستارىنداعى «تاجەن» جانە «قونىسبايەۆ» وتكىزۋ پۋنكتتەرىنەن وزبەكستان رەسپۋبليكاسىنىڭ اۋماعى ارقىلى قازاقستاندىق اۆتوكولىك قۇرالدارىنىڭ ترانزيتپەن ءوتۋىنىڭ وڭايلاتىلعان ءتارتىبى تۋرالى ماسەلە پىسىقتالدى.

كولىك سالاسىنىڭ ماماندارى زارداپ شەككەن وڭىرلەر مەن ازاماتتارعا قاجەتتى كومەك كورسەتۋدى جالعاستىرادى، سونداي- اق بۇلىنگەن ينفراقۇرىلىمدى قالپىنا كەلتىرۋ جونىندەگى جۇمىستارعا تىكەلەي قاتىسادى.

اۆتور
اسحات رايقۇل