كرەاتيۆتى نارىقتاعى الەمدىك رەيتينگ: قازاقستان 28 پوزيتسياعا كوتەرىلدى

استانا. KAZINFORM - كرەاتيۆتى يندۋستريالار بويىنشا سەرپىلىس جاساعان قازاقستان الەمدىك رەيتينگتە 28 پوزيتسياعا كوتەرىلدى.

ق ر مادەنيەت جانە اقپارات مينيسترلىگىنىڭ باسپا ءسوز قىزمەتى مالىمدەگەندەي، جەنيەۆادا (شۆەيتساريا) Global Innovation Index-2024 (GII) بەدەلدى الەمدىك رەيتينگىنىڭ ناتيجەلەرى جاريالاندى.

ساراپشىلار ءبىلىم، عىلىم، بيزنەس، تەحنولوگيا جانە يننوۆاتسيا سالاسىنداعى جەتىستىكتەر - بارلىعى 80 كورسەتكىش بويىنشا 130 دان استام ەلدىڭ رەيتينگىن جاسادى.

«قازاقستاننىڭ كرەاتيۆتى نارىعىندا قارقىندى دامۋ سەرپىنى بايقالدى. ەل «كرەاتيۆتى تاۋارلار مەن قىزمەتتەر» كورسەتكىشى بويىنشا 93 تەن 65-ورىنعا كوتەرىلدى.

رەيتينگتەگى بۇل ناتيجە - جۇرگىزىلىپ جاتقان مەملەكەتتىك رەفورمالاردىڭ جەمىسى.

قازاقستان «ۇلتتىق كوركەم فيلمدەر» كورسەتكىشىندە دە سەرپىلىس جاساپ، 61-ورىننان 31-ورىنعا كوتەرىلدى. ورتالىق جانە وڭتۇستىك ازيانىڭ ايماقتىق رەيتينگىندە قازاقستان العاشقى ۇشتىككە ەنىپ، ءۇندىستان مەن يراننان كەيىنگى ورنىن ساقتاپ قالدى»، - دەپ جازدى ۆەدومستۆودان.

Global Innovation Index- ءتى ب ۇ ۇ جانىنداعى دۇنيەجۇزىلىك زياتكەرلىك مەنشىك ۇيىمى (WIPO) جاسايدى. GII رەيتينگى حالىقارالىق بەدەل مەن ينۆەستيتسيا تارتۋعا ايتارلىقتاي اسەر ەتەدى.