كەلەسى جىلدان باستاپ ءدارى-دارمەك پەن زەرگەرلىك اشەكەيلەر تاڭبالانا باستايدى
ق ر پرەمەر- ءمينيسترى ءاليحان سمايىلوۆتىڭ توراعالىعىمەن وتكەن كەڭەستە دارىلىك زاتتار مەن زەرگەرلىك بۇيىمداردى تاڭبالاۋدى ەنگىزۋ ماسەلەلەرى تالقىلاندى، دەپ حابارلايدى primeminister.kz.
كەڭەسكە، سونداي- اق «اتامەكەن» ۇ ك پ وكىلدەرى دە قاتىستى.
بۇگىنگى تاڭدا رەسپۋبليكادا تەمەكى ونىمدەرى مەن اياق كيىم تاڭبالاۋعا جاتادى.
بۇل شارا تاۋارلاردى باقىلاپ وتىرۋعا، زاڭسىز ءونىمدى انىقتاۋعا، كولەڭكەلى اينالىمدى ازايتۋعا جانە بيۋدجەتكە تۇسەتىن سالىقتى ارتتىرۋعا مۇمكىندىك بەردى.
جالپى تاڭبالاۋ ادال كاسىپكەرلەر مەن تۇتىنۋشىلاردى قورعاۋعا باعىتتالعان.
دارىلىك زاتتاردى تاڭبالاۋ 2024 -جىلعى 1-شىلدەگە جوسپارلانىپ وتىر.
سونداي- اق زەرگەرلىك بۇيىمداردى تاڭبالاۋدى 2024 -جىلعى 1-شىلدەدەن باستاپ ەنگىزۋ جوسپارلانىپ وتىر.
تالقىلاۋ قورىتىندىسى بويىنشا پرەمەر- مينيستر بەلگىلەنگەن تارتىپپەن تاڭبالانباعان تاۋارلاردى ساتقانى ءۇشىن اكىمشىلىك جاۋاپكەرشىلىك ەنگىزۋدى، سونداي-اق پيلوتتىق رەجيمدە تاڭبالاۋدى جۇرگىزۋ ءۇشىن تاۋارلاردى ىرىكتەۋ تەتىگىن جەتىلدىرۋ جونىندە شارالار قابىلداۋدى تاپسىردى.
جالپى وسى باعىتتاعى جۇمىس جالعاساتىن بولادى.
اتاپ ايتقاندا، 2024 -جىلى موتور مايلارى، سىرا جانە سىرا سۋسىندارى بويىنشا پيلوتتىق جوبالاردى جۇرگىزۋ جوسپارلانعان.
