كاسىپكەرلەر الەۋمەتتىك جاۋاپكەرشىلىككە نازار اۋدارۋى كەرەك - مۇرات ەرگەشبايەۆ
استانا. KAZINFORM - بيۋجەت تاپشىلىعى ماسەلەسى اياسىندا اسا شۇعىل ەمەس جوبالاردى كەيىنگە قالدىرۋعا بولادى. بۇل تۋرالى Kazinform اگەنتتىگىنىڭ پودكاسىندا ءماجىلىس دەپۋتاتى مۇرات ەرگەشبايەۆ ءمالىم ەتتى.
ونىڭ ايتۋىنشا، ەلىمىزدە الەۋمەتتىك سالاعا بيۋجەت قاراجاتىنىڭ ءبىراز بولىگى ءبولىنىپ كەلەدى. سونىمەن قاتار، بۇل باعىتتى قولداۋ جالعاسا بەرەدى.
- شىعىنداردى ازايتۋ ماسەلەسىنە توقتالساق، قازىرگى كەزدە اسا قاجەت ەمەس، ياعني كەيىننەن جۇزەگە اسىرۋعا بولاتىن جوبالاردى قىسقارتۋعا بولادى. ماسەلەن، ءتۇرلى ساۋىقتىرۋ ءارى سپورت كەشەندەرىن، مادەنيەت ۇيلەرىن جانە باسقا دا جوبالاردى ينۆەستورلار ارقىلى سالعىزۋعا ەكپىن قويعان ءجون. بۇل تۇرعىدا قىزىلوردا وبلىسىندا جاقسى تاجىريبە بار، - دەدى م. ەرگەشبايەۆ.
وسى ورايدا ول ءىرى كاسىپكەرلەر الەۋمەتتىك جاۋاپكەرشىلىككە ەرەكشە نازار اۋدارۋى كەرەك ەكەنىن ايتتى.
- جاڭا عانا قىزىلوردا وبلىسىن اتاپ ءوتتىم. ەندى بۇكىل ەلىمىزدىڭ اۋماعىندا وسىعان ءمان بەرۋى ءتيىس، - دەدى دەپۋتات.
ەسكە سالساق، جاقىن ارادا پارلامەنت ءماجىلىسى قازاقستان ۇكىمەتىنىڭ جانە ق ر جوعارى اۋديتورلىق پالاتاسىنىڭ 2024-جىلعى رەسپۋبليكالىق بيۋجەتتىڭ اتقارىلۋى تۋرالى ەسەپتەرىن تالقىلايدى.
