«كاريب تەڭىزىنىڭ قاراقشىلارى» اكتەرى اكۋلا شابۋىلىنان كەيىن قايتىس بولدى
استانا. KAZINFORM - «كاريب تەڭىزىنىڭ قاراقشىلارى» فيلمىندەگى ءرولى ارقىلى تانىمال گولليۆۋد اكتەرى تامايو پەرري گاۆاي ارالدارىندا سەرفينگپەن جۇرگەندە اكۋلا شابۋىلىنان قازا تاپتى، دەپ جازادى ВВС.
گونولۋلۋ قۇتقارۋ قىزمەتى 49 جاستاعى اكتەردىڭ جەكسەنبى كۇنى تۇستەن كەيىن قايتىس بولعانىن راستادى. قۇتقارۋ قىزمەتى مالاەكاحانا جاعاجايىنا جەرگىلىكتى ۋاقىت بويىنشا ساعات 13:00 شاماسىندا شاقىرىلدى. ءوزى دە قۇتقارۋشى بولعان اكتەر جاعاعا گيدروسيكلمەن جەتكىزىلدى. الايدا مەديتسينا قىزمەتكەرلەرى ونى قۇتقارىپ قالا المادى. پەرري فيلم فرانشيزاسىنىڭ ءتورتىنشى بولىگىندە «كاريب تەڭىزىنىڭ قاراقشىلارى: بەيتانىس تولقىنداردا» باستى ءرولدى سومدادى. ول سونداي- اق Lost, Hawaii Five-0 جانە Blue Crush تەلەحيكايالارىندا ويناعان.
گونولۋلۋ مۇحيتىنداعى قاۋىپسىزدىك باسقارماسى باستىعىنىڭ مىندەتىن اتقارۋشى كۋرت لاگەر پەرريدىڭ ءبارى جاقسى كورەتىن قۇتقارۋشى بولعانىن ايتتى.
«ادامدار ونى قانشالىقتى جاقسى كورسە، ول باسقالاردى ودان ارتىق جاقسى كوردى»، - دەپ قوستى ول تامايونىڭ وتباسىنا جانە ونى جاقسى كورەتىندەردىڭ بارلىعىنا كوڭىل ايتا وتىرىپ.
اۆتور
ەركەجان سماعۇلوۆا
