كارتوپ باعاسى تۇراقتاندى، وسۋىنە ەش تاۋەكەل جوق – ا ش م
استانا. KAZINFORM - اۋىل شارۋاشىلىعى مينيسترلىگى كارتوپ باعاسىنىڭ اينالاسىنداعى دۇربەلەڭگە قاتىستى تاعى دا تۇسىنىك بەردى.

— بۇل جەردە جەرگىلىكتى اكىمدىكتەر بارلىق ساۋدا جۇيەسىمەن بىرلەسىپ جۇمىس ىستەپ انىقتادى. بۇگىنگى كۇنى باعا تۇراقتاندى، كارتوپ باعاسىنىڭ وسۋىنە ەشقانداي تاۋەكەل جوق، — دەپ قىسقا قايىردى اۋىل شارۋاشىلىعى ۆيتسە-ءمينيسترى ەربول تاسجۇرەكوۆ ءماجىلىس وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ايتا كەتسەك، ەلىمىزدىڭ ساۋدا جانە ينتەگراتسيا مينيسترلىگى حابارلاعانداي، كارتوپ باعاسىن تۇراقتاندىرۋ بارىسىندا 49 زاڭ بۇزۋشىلىق انىقتالدى.
ەسكە سالايىق، ەلىمىزدە كارتوپتى وزگە ەلدەرگە ەكسپورتتاۋعا 6 ايعا شەكتەۋ قويىلدى.
سونداي-اق اۋىل شارۋاشىلىعى مينيسترلىگى كارتوپ قورى ىشكى قاجەتتىلىكتى تولىق قامتاماسىز ەتۋگە جەتكىلىكتى ەكەنىن ءمالىم ەتتى.