كامچاتكادا اتقىلاعان جانارتاۋدىڭ كۇلى 10 شاقىرىم بيىككە كوتەرىلدى
استانا. KAZINFORM - كامچاتكادا كارىم جانارتاۋىنىڭ كۇلى 10 شاقىرىم بيىكتىككە كوتەرىلدى، دەپ جازادى تاسس.
30-تامىز كۇنى كامچاتكادا اتقىلاعان كارىم جانارتاۋىنىڭ كۇلى 10 شاقىرىم بيىكتىككە كوتەرىلدى. بۇل تۋرالى رەسەي عىلىم اكادەمياسىنىڭ قيىر شىعىس بولىمشەسى ۆۋلكانولوگيا جانە سەيسمولوگيا ينستيتۋتىنىڭ Telegram-كانالى دا حابارلادى.
- جارىلىس سالدارىنان كارىم جانارتاۋىنىڭ كۇلى تەڭىز دەڭگەيىنەن 10 شاقىرىم بيىكتىككە كوتەرىلدى. كۇل شوعىرى جانارتاۋدان سولتۇستىك-باتىسقا قاراي 5 شاقىرىمعا سوزىلعان، دەلىنگەن حابارلامادا.
اۆياتسيا ءۇشىن قاۋىپتى قىزىل ءتۇس كودى بەلگىلەندى. جانارتاۋ بەلسەندىلىگى جەرگىلىكتى جانە حالىقارالىق اۋە قاتىناسىنا قاۋىپ توندىرەدى.
جانارتاۋ كامچاتكانىڭ شىعىس جانارتاۋ ايماعىنىڭ ورتالىق بولىگىندە، پەتروپاۆل- كامچاتسكيدەن 115 شاقىرىم جەردە ورنالاسقان.
اۆتور
ەركەجان سماعۇلوۆا
