جيناق بار، ءوتىنىش جوق: 37 ميلليارد تەڭگە زەينەتاقى يەسىن تاپپاي وتىر
استانا. KAZINFORM - ەلىمىزدە زەينەتكە شىققانىمەن، جيناعىن الماي جۇرگەندەر سانى 260 مىڭنان استى، دەپ حابارلايدى «ب ج زق» ا ق باسپا ءسوز قىزمەتى.
جىل سايىن ب ج ز ق «ازاماتتارعا ارنالعان ۇكىمەت» مەملەكەتتىك كورپوراتسياسىمەن بىرىگىپ ب ج ز ق- دا مىندەتتى زەينەتاقى جارنالارى، مىندەتتى كاسىپتىك زەينەتاقى جارنالارى ەسەبىنەن زەينەتاقى جيناقتارى بار، ءبىراق ولار بويىنشا زەينەتاقى تولەمىن الۋ ءۇشىن ب ج ز ق- عا جۇگىنبەگەن زەينەت جاسىنا تولعان تۇلعالار بويىنشا حالىقتى الەۋمەتتىك قورعاۋ سالاسىنداعى ۋاكىلەتتى ورگاننىڭ اقپاراتتىق جۇيەسىندە اتالعان ادامدارعا بيۋدجەت قاراجاتى ەسەبىنەن تاعايىندالعان جاسىنا بايلانىستى جانە مەملەكەتتىك بازالىق زەينەتاقى تولەمدەرىنىڭ بار-جوقتىعىنا سالىستىرىپ تەكسەرۋ جۇمىستارىن جۇرگىزەدى.
- 2025 -جىلعى 1-ماۋسىمداعى جاعداي بويىنشا جالپىعا بىردەي بەلگىلەنگەن زەينەت جاسىنا جەتكەن تۇلعالاردىڭ تالاپ ەتىلمەگەن زەينەتاقى جيناقتارىنىڭ جالپى سوماسى - شامامەن 37,3 ميلليارد تەڭگە، بۇل سوما 264695 جەكە زەينەتاقى شوتىندا (ج ز ش) ساقتالعان، - دەلىنگەن قور حابارلاماسىندا.
ونىڭ ىشىندە ب ج ز ق- نىڭ مەملەكەتتىك ورگانداردىڭ اقپاراتتىق جۇيەلەرىنەن العان مالىمەتتەرىنە سايكەس:
- 148335 ادام قايتلىس بولعان، ولاردىڭ زەينەتاقى جيناقتارىن مۇراگەرلەر تالاپ ەتە الادى؛
- 59800 ادام قازاقستاننان تىس جەرلەرگە تۇراقتى تۇرۋعا كەتتى؛
- 56560 ادام جاسىنا بايلانىستى زەينەتاقىلارىن رەسىمدەۋ ءۇشىن مەملەكەتتىك كورپوراتسياعا (تۇرعىلىقتى جەرى بويىنشا ح ق ك و) ءالى ءوتىنىش بەرمەگەن.
تالاپ ەتىلمەگەن زەينەتاقى جيناقتارىنىڭ جاي-كۇيى قالاي بولماق
زەينەتاقى جيناقتارىنىڭ ەسەبىن ب ج ز ق جۇرگىزەدى. تالاپ ەتىلمەگەن زەينەتاقى جيناقتارى ينۆەستيتسيالانۋىن جالعاستىرىپ، سالىمشىلاردىڭ جەكە زەينەتاقى شوتتارىندا الۋشىلار نە ولاردىڭ مۇراگەرلەرى (سالىمشى قايتىس بولعان جاعدايدا) تالاپ ەتكەنگە دەيىن ساقتالادى. قوسىمشا تابىس الۋ ماقساتىندا ينۆەستيتسيالاۋمەن ق ر ۇلتتىق بانكى جانە ينۆەستيتسيالىق پورتفەلدى جەكە باسقارۋشىلار (ي پ ب) اينالىسادى.
تالاپ ەتىلمەگەن زەينەتاقى جيناقتارى تولەمىن قالاي الۋعا بولادى
زەينەتكەرلىك جاسقا جەتۋىنە بايلانىستى زەينەتاقى جارنالارىنىڭ مىندەتتى تۇرلەرى ەسەبىنەن ب ج ز ق- دان زەينەتاقى تولەمدەرىن تاعايىنداۋ، سونداي- اق مەملەكەتتىك بيۋدجەتتەن بازالىق جانە ىنتىماقتى زەينەتاقى تاعايىنداۋ ءۇشىن الۋشىلار تۇرعىلىقتى جەرى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسىنا (ح ق ك و) جۇگىنۋى قاجەت.
شەتەلگە تۇراقتى تۇرۋعا كەتكەن كەزدەقازاقستاننان تىس جەرلەرگە تۇراقتى تۇرۋعا كەتۋىنە بايلانىستى ب ج ز ق- دان زەينەتاقى تولەمدەرىن الۋ قۇقىعىن ەلدەن تىس جەرلەرگە تۇراقتى تۇرۋعا كەتكەن، ب ج ز ق- دا زەينەتاقى جيناقتارى بار جانە وتاندىق زاڭناماعا سايكەس قاجەت قۇجاتتاردى ۇسىنعان شەتەلدىكتەر مەن ازاماتتىعى جوق ادامدار پايدالانا الادى.
ب ج ز ق- دا زەينەتاقى جيناقتارى بار ادام قايتىس بولعان جاعدايدا، ونىڭ وتباسى مۇشەلەرىنە رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن 94 ەسەلەنگەن ايلىق ەسەپتىك كورسەتكىش مولشەرى شەگىندە قايتىس بولعان ادامنىڭ زەينەتاقى جيناقتارى قاراجاتى ەسەبىنەن، ءبىراق قايتىس بولعان ادامنىڭ ج ز ش-دا بار قاراجاتىنان اسپايتىن مولشەردە جەرلەۋگە ءبىرجولعى تولەم جۇرگىزىلەدى.
قوردىڭ مالىمەتىنشە، زەينەتاقى جيناقتارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مۇراعا قالدىرىلادى.
- زەينەتاقى جيناقتارى بار ادام قايتىس بولعاننان كەيىن 6 اي ىشىندە ونىڭ مۇراگەرلەرى قايتىس بولعان ادامنىڭ زەينەتاقى جيناقتارى تۇرىندەگى مۇراگەرلىك مۇلىكتى رەسىمدەۋ جانە مۇراگەرلىك قۇقىعى تۋرالى كۋالىك الۋ ءۇشىن نوتاريۋسقا جۇگىنۋگە ءتيىس. ەگەر ءوتىنىش بەرۋ مەرزىمى ءوتىپ كەتسە، مۇراگەرلىك قۇقىعىن قالپىنا كەلتىرۋ ءۇشىن سوت ورگاندارىنا جۇگىنۋ قاجەت، - دەلىنگەن ب ج ز ق تاراتقان اقپاراتتا.
ايتا كەتەيىك، زەينەتاقى تولەمدەرىنىڭ تۇرىنە جانە ءوتىنىش بەرۋ تاسىلىنە بايلانىستى زەينەتاقى تولەمدەرىن الۋعا قاجەتتى قۇجاتتاردىڭ ءتىزىمى enpf.kz سايتىنداعى «قىزمەتتەر - زەينەتاقى تولەمدەرى» بولىمىندە جاريالانعان.
بۇعان دەيىن ەڭبەك ءمينيسترى ءوزىنىڭ قانشا زەينەتاقى الۋى مۇمكىن ەكەنىن ايتتى.
