جەڭىمپاز بولعان قازاق كوكپارشىلارى قانشا سىياقى الادى
استانا. KAZINFORM - ۇلتتىق جانە ات سپورتى تۇرلەرى ورتالىعى ديرەكتورىنىڭ ورىنباسارى قارلىعاش رامازانوۆا دۇنيەجۇزىلىك كوشپەندىلەر ويىندارىندا كوكپاردان التىن مەدال العان قازاقستاندىق قۇراما سپورتشىلارى قانشا سىياقى الاتىنىن ءتۇسىندىردى.
ونىڭ ايتۋىنشا، دۇنيەجۇزىلىك كوشپەندىلەر ويىندارىن وتكىزۋ ديرەكسياسىنان كوكپار مەن كوك بورىدەگى جۇلدەلى ورىندار ءۇشىن مىناداي سىياقىلار بەلگىلەنگەن:
1-ورىن ءۇشىن - 10 ميلليون تەڭگە؛
2-ورىن ءۇشىن - 6 ميلليون تەڭگە؛
3-ورىن ءۇشىن - 4 ميلليون تەڭگە.
سونداي-اق، كوك ءبورى رەسپۋبليكالىق فەدەراتسياسىنىڭ پرەزيدەنتى باۋىرجان ءابدىراشيتوۆتىڭ اتىنان مىناداي جۇلدە قورى بەلگىلەنگەن:
كوكپار بويىنشا ءبىرىنشى ورىن ءۇشىن ءار سپورتشى مەن ءار جاتتىقتىرۋشىعا 5 ميلليون تەڭگەدەن؛
كوك ءبورى بويىنشا ءبىرىنشى ورىن ءۇشىن ءار سپورتشى مەن جاتتىقتىرۋشىعا 10 ميلليون تەڭگەدەن.
ەستەرىڭىزگە سالا كەتەيىك، استانادا ءوتىپ جاتقان دۇنيەجۇزىلىك كوشپەندىلەر ويىندارىندا كوكپاردان قازاقستان قۇراماسى قىرعىزستان كومانداسىن جەڭدى.
اۆتور
ايجان سەرىكجان قىزى
