جىل قورىتىندىسى: جاڭا تۇرعىن ءۇي قۇرىلىسى جانە ت ك ش ينفراقۇرىلىمىن جاڭعىرتۋ

قازاقستاندىقتاردى ساپالى تۇرعىن ۇيمەن قامتاماسىز ەتۋ جانە تۇرعىن ءۇي-كوممۋنالدىق شارۋاشىلىق جۇيەسىن كەشەندى جاڭعىرتۋ - ق ر ۇكىمەتى جۇمىسىنىڭ باسىمدىقتارىنىڭ ءبىرى، دەپ جازادى primeminister.kz.

مەملەكەت باسشىسى قاسىم-جومارت توقايەۆ «ادىلەتتى قازاقستان: ءبارىمىز جانە ءارقايسىمىز ءۇشىن. قازىر جانە ءاردايىم» اتتى سايلاۋالدى باعدارلاماسىندا وسى باعىتتار بويىنشا ناقتى مىندەتتەردى بەلگىلەدى:

- 7 جىل ىشىندە 111 ميلليون شارشى مەتر تۇرعىن ءۇي سالۋ؛

- ۇلەسكەرلەردىڭ قاتىسۋىمەن سالىنىپ جاتقان پروبلەمالىق ۇيلەردىڭ بارلىعىنىڭ قۇرىلىسىن اياقتاۋ؛

- 40 مىڭعا جۋىق اپاتتى جانە توزىعى جەتكەن تۇرعىن ءۇي يەلەرىن جاڭا باسپانامەن قامتاماسىز ەتۋ؛

- جاپپاي تۇرعىن ءۇي قۇرىلىسى ءجۇرىپ جاتقان اۋدانداردا ينجەنەرلىك كوممۋنيكاتسيالار جۇرگىزۋ جۇمىستارىن جانداندىرۋ؛

- ەلدى مەكەندەردىڭ 100 پايىزىن سۋمەن جابدىقتاۋ؛

- جىلۋمەن جانە سۋمەن جابدىقتاۋ، سۋ تارتۋ جەلىلەرىنىڭ توزۋ كورسەتكىشىن 40 پايىزعا دەيىن تومەندەتۋ.

2023 -جىلعى قۇرىلىس جانە ت ك ش سالالارىنداعى ناتيجەلەر تۋرالى Primeminister.kz رەداكتسيانىڭ شولۋ ماتەريالىنان وقىڭىز.

فوتو: ق ر ۇكىمەتى

• 11 ايدىڭ قورىتىندىسى بويىنشا قازاقستاندا 15 ميلليون شارشى مەتردەن استام جاڭا تۇرعىن ءۇي پايدالانۋعا بەرىلدى، بۇل وتكەن جىلدىڭ سايكەس كەزەڭىمەن سالىستىرعاندا 16 پايىزعا ارتىق. وسىنىڭ ارقاسىندا 140 مىڭعا جۋىق وتباسى ءۇي جاعدايلارىن جاقسارتتى.

جالپى رەسپۋبليكا بويىنشا 134 مىڭ تۇرعىن ءۇي پايدالانۋعا بەرىلدى، ونىڭ ىشىندە 32 مىڭنان استامى - جەكە تۇرعىن ۇيلەر.

• قۇرىلىس جۇمىستارىنىڭ كولەمى 5,9 تريلليون تەڭگەگە جەتتى، بۇل وتكەن جىلمەن سالىستىرعاندا 12,6 پايىزعا ارتىق.

قىزىلوردا وبلىسىندا 2023 -جىلى بارلىق قارجىلاندىرۋ كوزدەرى ەسەبىنەن 600 مىڭ شارشى مەتردەن استام تۇرعىن ءۇي پايدالانۋعا بەرىلدى

• قۇرىلىس ماتەريالدارىنىڭ وتاندىق ءوندىرىسىن ۇلعايتۋ سالانى دامىتۋدا ماڭىزدى سانالادى. وسى ورايدا 2027 -جىلعا دەيىنگى جول كارتاسى بەكىتىلدى. ول قۇرىلىس يندۋسترياسى سالاسىنداعى جالپى قۇنى 1,8 تريلليون تەڭگەگە جۋىق 270 جوبانى قامتيدى.

بيىل 73 ميلليارد تەڭگەگە 41 جوبا ىسكە قوسىلدى. ولاردىڭ ىشىندە قاراعاندى وبلىسىندا ءبىرىنشى سۇرىپتاعى اك جانە استانادا اسفالت بەتونىن وندىرەتىن زاۋىتتار بار. سونداي- اق اباي وبلىسىندا تسەمەنت زاۋىتى قالپىنا كەلتىرىلىپ، جاڭعىرتىلدى. جەتىسۋ وبلىسىندا قىش تاقتايشا ءوندىرىسى كەڭەيتىلدى. استانادا شاتىر جانە قاپتايتىن ماتەريالداردى شىعارۋ جولعا قويىلعان.

جاقىن ارادا شىمكەنتتە 2 ميلليارد تەڭگە سوماسىنا تاعى 3 جوبا پايدالانۋعا بەرىلەدى دەپ كۇتىلۋدە.

• جالپى رەسپۋبليكادا قۇرىلىس ماتەريالدارىنىڭ ءوندىرىسى 10,2 پايىزعا 1,03 تريلليون تەڭگەگە دەيىن ءوستى. بۇل رەتتە جالپى كورسەتكىشتە قۇرىلىس ماتەريالدارى ساتىپ الىنعان وتاندىق تاۋار وندىرۋشىلەردىڭ ۇلەسى 62 دەن 66 پايىزعا دەيىن ۇلعايدى، بۇل ولاردىڭ ىشكى نارىقتاعى پوزيتسيالارىنىڭ نىعايعانىن بىلدىرەدى.

• كەزەكتە تۇرعانداردى قولجەتىمدى الەۋمەتتىك تۇرعىن ۇيمەن قامتاماسىز ەتۋ اياسىندا بيىل 10,9 مىڭ جالدامالى پاتەر ساتىپ الۋعا 104 ميلليارد تەڭگەدەن استام، سونداي-اق نەسيەگە بەرىلەتىن 12,5 مىڭ تۇرعىن ءۇي سالۋعا جانە ساتۋعا 158 ميلليارد تەڭگەدەن استام قارجى ءبولىندى.

قوستاناي وبلىسىندا رەسپۋبليكا كۇنىنە وراي جالدامالى تۇرعىن ءۇي تاپسىرىلدى. پاتەر كىلتتەرىن كوپ بالالى، تولىق ەمەس وتباسىلار، مەملەكەتتىك تۇرعىن ءۇي قورىنان باسپاناعا مۇقتاج كەزەكتە تۇرعان ازاماتتار الدى

پەتروپاۆلدا «بەرەكە» شاعىن اۋدانىندا 6 جالعا بەرىلەتىن كوممۋنالدىق ءۇي پايدالانۋعا بەرىلدى. 600 وتباسى قونىس تويىن اتاپ ءوتتى

• «وتباسى بانك» 43,7 ميلليارد تەڭگە سوماسىنا باسپانا الۋعا 2 پايىز جەڭىلدىكپەن 4,4 مىڭ نەسيە، سونداي-اق 32 ميلليارد تەڭگەگە 5 پايىز جەڭىلدىكپەن 2,7 مىڭ نەسيە بەردى. بۇل - «باقىتتى وتباسى» جانە «شاڭىراق» باعدارلامالارى.

• ءبىر-بىرىنە وتە جاقىن ەتىپ ءۇي سالۋعا جول بەرمەۋ ماقساتىندا 2024 -جىلعى قاڭتاردان باستاپ ەنگىزىلەتىن ءبىرىڭعاي قالا قۇرىلىسى ساراپتاماسىنىڭ تەتىگى ازىرلەندى. ەندى ازىرلەنگەن جانە تۇزەتىلگەن جوبالار (باس جوسپارلار، ەگجەي-تەگجەيلى جوسپارلاۋ جانە قۇرىلىس جوبالارى) مەمقالاقۇرىلىسكاداستىرىنىڭ اقپارات جۇيەسىنە مىندەتتى تۇردە تىركەلىپ، كەشەندى ساراپتامادان وتەتىن بولادى.

• ۇلەسكەرلەردىڭ قاتىسۋىمەن قۇرىلىس جۇرگىزۋ سالاسىنداعى باقىلاۋدى كۇشەيتۋ جانە قۇرىلىستىڭ ۇزاققا سوزىلۋ تاۋەكەلدەرىن ازايتۋ ءۇشىن زاڭناماعا جاڭا تۇزەتۋلەر ازىرلەندى:

- ءۇي ساتىپ الۋعا الدىن الا شارت جاساسۋعا تىيىم سالۋ جوسپارلانىپ وتىر، بۇل ۇلەسكەرلەرمەن تولىققاندى شارت جاسالماعاندىقتان، ولاردىڭ الدىن الا اقشا بەرىپ، الدانىپ قالماۋىنا مۇمكىندىك بەرەدى؛

- قۇرىلىس جۇرگىزۋشىلەردىڭ جاۋاپكەرشىلىگىن ارتتىرۋ ماقساتىندا ۇلەسكەرلەردەن زاڭسىز اقشا الىپ، كەيىننەن قۇرىلىستى توقتاتقانى ءۇشىن ايىپپۇل سانكتسيالارىن ۇلعايتۋ قارالىپ جاتىر.

قازىرگى ۋاقىتتا بۇل تۇزەتۋلەر - ق ر پارلامەنتى ءماجىلىسىنىڭ قاراۋىندا.

• بيىل ينجەنەرلىك جەلىلەرسىز تۇرعىن ءۇي نىساندارىن جوبالاۋعا جانە سالۋعا تىيىم سالىندى. بۇل ساپاسىز نىسانداردى پايدالانۋعا بەرۋ تاۋەكەلدەرىن جويادى.

• «جەدەل دەن قويۋ شاراسى» جاڭا باقىلاۋ تەتىگىن ەنگىزۋ بويىنشا جۇمىستار ءجۇرىپ جاتىر. ول پروفيلاكتيكالىق باقىلاۋ اياسىندا وقيعا ورنىنا بارماي-اق، زاڭ بۇزۋشىلىقتارعا ۋاقىتىلى جاۋاپ بەرىپ، ولاردىڭ جولىن كەسۋگە، ونىڭ ىشىندە قۇرىلىس-مونتاجداۋ جۇمىستارىن توقتاتا تۇرۋ جانە رۇقسات بەرۋ قۇجاتتارىنان (ليتسەنزيالار، اتتەستاتتار، اككرەديتتەۋ) ايىرۋعا مۇمكىندىك بەرەدى.
• استانادا وسى جىلدىڭ باسىندا 4 مىڭنان استام ۇلەسكەر قاتىساتىن 16 پروبلەمالىق نىسان اياقتالماي جاتقان. بيىل 3,6 مىڭعا جۋىق ۇلەسكەر پاتەر كىلتىن الدى. قالعان ۇلەسكەرلەر كىلتىن 2024 -جىلدىڭ ءبىرىنشى جارتىجىلدىعىندا الماق.

جالپى سوڭعى جىلدارى استانا بويىنشا مەملەكەتتىڭ قاتىسۋىمەن پروبلەمالى سانالعان 120 دان استام كوپ پاتەرلى تۇرعىن ءۇيدىڭ قۇرىلىسى اياقتالدى، 14 مىڭنان استام ۇلەسكەردىڭ ماسەلەسى شەشىلدى.

• بيىل 560 ك م جىلۋ جەلىلەرى، سونداي-اق 1,7 مىڭ كم سۋمەن جابدىقتاۋ جانە سۋ تارتۋ جەلىلەرى جوندەلدى.

پاۆلودار وبلىسىنىڭ ءۇش قالاسىندا 22 ميلليارد تەڭگەدەن استام سوماعا 128 ك م استام جىلۋ جەلىلەرى سالىنىپ، رەكونسترۋكتسيالانىپ، اعىمداعى جوندەۋدەن ءوتتى

• جىل سوڭىنا دەيىن ەل تۇرعىندارىن سۋمەن جابدىقتاۋ قىزمەتتەرىمەن قامتاماسىز ەتۋ دەڭگەيىن 97,6 پايىزعا دەيىن، ونىڭ ىشىندە قالالاردا 98,8 پايىزعا دەيىن، اۋىلداردا 96,3 پايىزعا دەيىن جەتكىزۋ جوسپارلانىپ وتىر. جالپى مەملەكەت باسشىسىنىڭ تاپسىرماسى بويىنشا 2025 -جىلدىڭ سوڭىنا دەيىن حالىقتى 100 پايىز تازا اۋىز سۋمەن قامتاماسىز ەتۋ جوسپارلانۋدا.

 

اۆتور

ەربول جانات