جىلۋ اقىسى قىمبات شىقتى: استانا- تەپلوترانزيت تۇرعىندار شاعىمىنا تۇسىنىك بەردى

استانا. KAZINFORM - ەلوردا تۇرعىندارى الەۋمەتتىك جەلىدە وتكەن ايداعى جىلۋدىڭ اقىسى ادەتتەگىدەن جوعارى شىققانىن جارىسا جازىپ جاتىر. وسىعان بايلانىستى Kazinform ءتىلشىسى «استانا- تەپلوترانزيت» ا ق-دان ءمان-جايدى انىقتاپ كوردى.

жылу, жарық, су
Фото: Мухтор Холдорбеков/Kazinform

تۇرعىنداردىڭ شاعىمىندا جەلتوقسان ايىندا قاتتى اياز بولماسا دا جىلۋ اقىسى جوعارى كەلگەنى ايتىلعان.

ەندى ءبىرى تەك وزىندە ەمەس، بۇكىل تۇرعىن ۇيدەگى پاتەرلەرگە جىلۋ اقىسى قىمبات شىققانىن جازعان.

«استانا- تەپلوترانزيت» ا ق تۇسىندىرۋىنشە، وتكەن ايدا تاريفتە وزگەرىس بولماعان.

- جىلۋ ەنەرگياسى ءۇشىن تولەماقى تۇرعىن ءۇيدىڭ ورتاق ەسەپتەگىش قۇرىلعىسىنىڭ كورسەتكىشتەرىنە بايلانىستى بەلگىلەنەدى. سىرتقى اۋا تەمپەراتۋراسى جىلۋ ەنەرگياسىنىڭ شىعىنىنا اسەر ەتەدى. كۇن سۋىتقان سايىن، ءۇيدى جىلىتۋعا كوبىرەك ەنەرگيا جۇمسالادى. سوعان ساي جىلدىڭ سۋىق ايلارىندا تولەماقى دا وسە تۇسەدى. وتكەن ايدا جىلۋ تاريفىندە وزگەرىس بولعان جوق، - دەلىنگەن جاۋاپتا.

سونداي-اق كومپانيا قاراشا ايىمەن سالىستىرعاندا جەلتوقساندا تاۋلىكتىڭ ورتاشا تەمپەراتۋراسى تومەنىرەك بولعانىن اتاپ وتكەن.

- 2024 -جىلعى قاراشا ايىندا ورتاشا اۋا تەمپەراتۋراسى 3,45- گرادۋس، جەلتوقسان ايىندا 8,78- گرادۋس بولدى. سونداي-اق قاراشا ايىندا 30، جەلتوقسان ايىندا 31 جىلۋ ەسەپتەۋ تاۋلىگى بارىن دا ەسكەرۋ كەرەك، - دەلىنگەن مالىمدەمەدە.

«استاناەنەرگوسبىت» ج ش س اقپارات ورتالىعى جەلتوقسان ايىنا ارنالعان تۇبىرتەكتەردە قاراشاعا قاراعاندا گيگاكالوريا مولشەرى جوعارى بولعانىن، ءبىراق تاريفتە وزگەرىس بولماعانىن ايتادى.

ايتا كەتەيىك، بۇعان دەيىن «استانا-تەپلوترانزيت» اق ەلوردادا جىلۋ تاريفىن كوتەرۋدى ۇسىنعانىن حابارلاعان ەدىك.

اۆتور

ەربول جانات

سوڭعى جاڭالىقتار