جولداعى قورشاۋ كولىكتى تەسىپ ءوتتى: اقتوبەدە جول اپاتىنان اعايىندى جىگىتتەر كوز جۇمدى

اقتوبە. KAZINFORM - اقتوبە- اتىراۋ تاسجولىنىڭ قالماققىرعان اۋىلى ماڭىندا جول-كولىك اپاتى بولدى. كولىك جۇرگىزۋشىسى ۇيىقتاپ كەتىپ، قورشاۋعا سوقتىعىسقان. سالدارىنان اعايىندى جىگىتتەر كوز جۇمدى.

көлік апаты
Фото: оқиға орнынан

وقيعا 9 -ماۋسىم كۇنى ساعات 06:30-دا بولدى. اقتوبە - اتىراۋ تاسجولىنىڭ 156-شاقىرىمىندا وپەل-زافيرا كولىگى قارسى باعىتقا شىعىپ، جول بويىنداعى قورشاۋعا سوقتىعىستى. سول جەردە 1997 -جىلى تۋعان جۇرگىزۋشى مەن 2003 -جىلى تۋعان جولاۋشى كوز جۇمدى. تاعى ءبىر جولاۋشى اۋرۋحاناعا جەتكىزىلدى.

- كولىك اقتوبە قالاسىنان شۇبارقۇدىق اۋىلىنا باعىت العان. ول ەشقانداي دا تاكسي قىزمەتى ەمەس. اعايىندى جىگىتتەر جەكە شارۋالارىمەن اۋىلعا بارا جاتقان. رۋلدە وتىرعان جىگىت ۇيىقتاپ كەتكەن. وسى اتالعان دەرەك بويىنشا قىلمىستىق كودەكستىڭ 345-بابى 4-بولىگىمەن ءىس تىركەلدى. سوت-مەديتسينالىق ساراپتاما تاعايىندالدى. قازىر سوتقا دەيىنگى تەرگەپ-تەكسەرۋ جالعاسىپ جاتىر، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

اقتوبە وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، جول اپاتى كەزىندە جارالانعان ءبىر جولاۋشى قازىر تەمىر اۋداندىق اۋرۋحاناسىندا جاتىر. ونىڭ جاراسى تاڭىلدى. دارىگەرلەر جاعدايى تۇراقتى اۋىر دەپ وتىر.

اۆتور

التىناي ساعىندىقوۆا

سوڭعى جاڭالىقتار