«جولاۋشىلار تاسىمالى» ا ق ديرەكتورى قانداي جاعدايدا بيلەت قۇنى ەكى ەسە وسەتىنىن ايتتى

استانا. KAZINFORM - «جولاۋشىلار تاسىمالى» ا ق باس ديرەكتورى جانىبەك تايجانوۆ ەلىمىزدەگى تەمىر جول بيلەتىنە قاتىستى احۋالعا پىكىر ءبىلدىردى.

بۇگىن سەنات وتىرىسىنان كەيىن ب ا ق وكىلدەرى كومپانيا باسشىسىنان: «مينيستر (كولىك ءمينيسترى) باعىتتارعا سۋبسيديا بەرىلمەسە، وندا بيلەت باعاسى 3 ەسە قىمباتتايتىنىن ايتقان ەدى. قازاقستاندا مۇنداي قانشا باعىت بار؟»، - دەپ سۇراعان ەدى.

ول بۇگىندە جولاۋشىلار تاسىمالى سالاسى مەملەكەت ەسەبىنەن سۋبسيديالاناتىنىن ايتتى.

«بيلەت باعاسى ەگەر قالا ماڭى قوزعالىسىن الاتىن بولسا، وندا ول بۇگىندە شامامەن 600-700 تەڭگەدەن 3 مىڭ تەڭگەگە دەيىن بولادى. ال، ستاندارتتى پويىز باعاسى 2,5 مىڭنان باستاپ 20 مىڭ تەڭگەگە جەتەدى. ەگەر مەملەكەت بىزگە تولىقتاي كومەكتەسپەسە، سۋبسيديا بەرمەسە، وندا بيلەت باعاسى بارلىق باعىتتا 2 ەسە قىمباتتايدى. بۇكىل الەمدە جولاۋشىلار تاسىمالى شىعىنعا باتادى. تەك جاپونيادا عانا حالىقتىڭ تىعىزدىعىنا، جەرىنىڭ شاعىندىعىنا بايلانىستى تابىس تابادى»، - دەدى جانىبەك تايجانوۆ.

اۆتور

مارلان جيەمباي